Bajram (Gjergj) Kabashi: Kush po përgojon e kush po e thotë të vërtetën!?

Artan Meha!
Unë nuk e kam përgojuar fenë islame por islamizimin dhe xhamiizimin e panevojshëm e të kobshëm të Kosovës dhe këtë e kam bërë dje, do ta bëj sot e edhe ma shumë kam për ta bërë nesër e pasnesër! Dhe riislamizimin e Kosovës ka për ta luftue i gjithë populli shqiptar si një të keqe të jashtëzakonshme, kombvrasëse, verbuese, si një fyerje të paimagjinueshme ndaj kombit dhe ndërgjegjës kombëtare shqiptare. Pra, po ta them të vërtetën që e kërkove prej meje që do të thotë se unë nuk kam kërkuar e as që kam për të kërkuar kurrë falje ndaj atyre që i konsideroj armiq të kombit dhe sidomos jo ndaj politikës dhe ideologjisë panislame, islamizuese të disa hoxhallarëve kriminelë, të cilët pajada po tentojnë ta shfytyrojnë një komb të tërë në emër të ideologjisë së tyre islamomadhe, të islamizmit politik pra...
Artan,
Ti tanë kohën me shkrimet tua në internet ke thënë se je gjysmë turk, andaj nuk e kuptoj se përse përzihesh në punët që i takojnë kombit shqiptar, atyne që janë apo që e konsiderojnë veten shqiptarë... Artan, natyrisht se ti ke të drejtë të jeshë turk apo gjysmë turk; por në rastin konkret ti nuk ke çka të përzihesh në punët që i përkasin një familjeje, një kombi. Feja, cilado fe, është çështje private, që i takon intimës njerëzore, andaj është mëkat i pafalshëm që kujtdoqoftë t'ia cenosh të drejtën për besimin që e ka a do ta ketë. Prandaj mos kujdestaro se kush pagëzohet a nuk pagëzohet, se cilido njeri që e zgjedh fenë e caktuar, atë e bën për qefin e vet dhe në kuptimin se feja e caktuar i pëlqen ma shumë se feja tjetër, ma shumë se brahmanizmi, ebraizmi, konfuçianizmi, budizmi, hinduizmi apo ma shumë se islami famëlartë... Kemi të bëjmë me çështje ndjenjash ku bindjet tuaja nuk mund t'i paracaktojnë bindjet e mija!
Me atë "Kn" që e përmend ti, tregon se je ndër rrugaçët më të shkretë që gjenden "brenda nesh", andaj besoj se gjithkush që do ta dij, e kupton se cila është feja jote e formimi yt "intelektual". Ju lumtë ju pjesëtarëve të qerthullit të shkretë dhe misionarëve të shkretinës njerëzore; u lumtë ju burrave-"trima muslimanë" që keni marrë si mision islamizimin e popullit shqiptar, i cili vetëm në këto dhjetë vitët e fundit ka përjetuar aso shfytyrimi që nuk ka mundur ta bënte as pushtimi mbi pesëshekullor osman...
Mirëpo, siç thonë njerëzit tanë, "shyqyr që ra kjo dekë e u pamë", pra shyqyr që e pamë se çka po duan turkoshakët, grekofilët e serbofilët! Andaj nëse populli shqiptar nuk e kupton se çka po i ndodhë, le të mos e kuptojë kurrë, por unë intimisht e di se populli ka filluar të zgjohet, përkundër varfërisë së pamerituar që vazhdon ta përjetojë...
Ty dhe dhe disa turkoshakëve të tjerë kisha me ju propozue që të lexoni ma shumë, sidomos letërsinë bashkëkohore turke, shumë autorë të njohur ë kësaj letërsie, veçanërisht që t'i lexoni minimum nja dhjetë libra të Orhan Pamukut, qoftë në gjuhën angleze apo në gjuhët e vendeve ku jetoni, për të parë se ku mund të shpie tolerimi i islamizimit politik. Policija e Shqipërisë, Kosovës, Maqedonisë etj., nuk besoj se nuk e ka hetuar se çka po doni e për çka po përpiqeni ju misionarët e krenarisë panislame, ju të shkretët që bashkë me Anastasios Janullatosin, po mundoheni t'ia bëni varrin popullit shqiptar, atë varr në të cilin sigurisht që do të bini vetë...

Palolibri! Cili palolibër?