Gjykata e Apelit të Shkodrës shpalli të pafajshëm ish-famullitarin e Velipojës Don Marjan Ukaj

nga **Agim Gashi** Tue Mar 03, 2009 4:20 pm

Gjykata e Apelit të Shkodrës shpalli të pafajshëm ish-famullitarin e Velipojës Don Marjan Ukaj

Gjykata e Apelit në Shkodër, e shpalli të pafajshëm Don Marjan Ukaj-n, ish-famullitarin e Velipojës, duke e liruar atë nga të gjitha akuzat e pabaza dhe shpifjet denigruese, të cilat ishin bërë një kohe të gjatë në drejtim të tij nga Arqipeshkëvi i Shkodrës Mons. Angello Massafra. Ky akt i vendosjes së drejtësisë në vend, është një moment i rëndësishëm reflektimi, edhe pse me vonesë, për të kuptuar faktin e pakontestueshëm, se drejtësia, megjithatë, triumfon kundruall shpifjeve dhe manipulimeve të ndryshme që i janë mvesh pa asnjë bazë atij dhe veprimtarisë së tij shumëdimensionale në Shqipëri.

Fushata kundër don Marjanit ishte bërë vetëm me qëllim të diskreditohej puna dhe veprimtaria e tij e bujshme 15 vjeçare në shërbim të Zotit dhe Kombit në Shqipëri, pikërisht në kohën, kur ajo më së shumti kishte nevojë për mëkëmbje shpirtërore dhe edukative, për infrastrukturë dhe fe, për të cilat segmente Don Marjani ka punuar në mënyrë të jashtëzakonshme dhe me suksese evidente në çdo pore, madje, të vlerësuara lart nga vendor e ndërkombëtar. Shpallja e pafajshme e Don Marjanit dëshmon, gjithashtu se drejtësia shqiptare, megjithatë është në rrugë të mbarë dhe para se gjithash vendos në favor të së drejtës, duke mbrojt meshtarin, drejtësinë dhe të vërtetën, përpara shpifjeve dhe mashtrimeve të çfarëdo natyre qofshin dhe nga kushdo që vinë.

Ky rast, është një tregues shumë shpresëdhënës se shteti tanimë po mbron meshtarin dhe po e vë drejtësinë para individit kushdo qoftë ai. Në këtë moment, kur drejtësia ka thënë përfundimisht fjalën e vet lidhur me çështjen e përfolur në media të priftit të Velipojës, Don Marjan Ukaj-t, një falënderim duhet të ju shkoj gjithë atyre që mbështeten punën dhe aktivitetin e pashembullt të tij në Shqipëri, i cili, me të drejtë është thënë se ishte dhe mbeti modeli më i veçantë, tipik i Bariut të mirë, që e transformoi gjithë Velipojën, me punën e tij gjigante dhe të admiruar nga çdo kush që e ka parë dhe përjetuar atë. Njëherësh, duke qenë shembulli i denjë për t‘u ndjek se si duhet Bariu të jetë në shërbim të Atdheut e Fesë, kundruall trysnive të shumta.Prandaj, me këtë rast e përgëzoj popullin e Velipojës që ishte i lidhur aq shpirtërisht me Don Marjanin dhe nuk kurseu asgjë për ta kundërshtuar deri edhe me grevë urie gjestin antifetar dhe antishqiptar të Arqipeshkëvit Massafra, për ta mbrojtur dinjitetin e tij nga qëllimet e tija të ulëta. Largimi i tij nga Shqipëria, i bërë me qëllime nacionaliste për epilog të vet e pati padinë penale, akt ky i paprecedent për Kishën Katolike në trojet shqiptare. Me vendimin e Gjyqit të Apelit Shkodër don Marjani hynë në histori si meshtari i parë pas 120 sosh që mori pafajsinë nga gjyqi penal i shtetit shqiptar. Kur ta kemi parasysh ngritjen e kësaj aktpadie nga një Prelat i lartë i Kishës, të shpresojmë se edhe gjykata e lartë e Kishës, e cila tash një vit po e trajton problemin në fjalë, se shpejti do ta japin një vendim të tillë dhe ta kthejnë Don Marjanin prapë në mes të grigjës së vet të shumë të dashur.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30