Haraqisë, ia thyejnë veturën

nga **Agim Gashi** Mon Oct 18, 2010 6:18 pm

Haraqisë, ia thyejnë veturën
Të shtunën në mbrëmje, njerëz të paidentifikuar kanë thyer makinën e Astrit Haraqisë. Ky veprim ndodh një ditë pasi që LDK’ja doli nga Qeveria, akt të cilin Haraqija e interpretoi si shkatërrim të LDK’së.

Nga Express më 18 tetor 2010 në ora 14:15

Të shtunën në mbrëmje, njerëz të paidentifikuar kanë thyer makinën e Astrit Haraqisë, anëtar i Kryesisë së LDK’së.

Ky veprim ndodh vetëm një ditë pasi që LDK’ja doli nga Qeveria, akt të cilin Haraqija e interpretoi si shkatërrim të LDK’së.

“Po, ma kanë thyer veturën. Vetura ka qenë e parkuar afër banesës ku banoj në Prishtinë”, ka thënë Haraqija për Express.

Ai nuk ka dashur të spekulojë për autorët e sulmit.

“Nuk e di. Rastin nuk e kam lajmëruar”, shtoi Haraqija.

Të dielën përmes një deklarate për media, Kryesia e Degës së LDK’së në Gjakovë doli kundër deklaratave të Kryetarit të asaj, Astrit Haraqisë.

“Kryesia e Degës së LDK’së në Gjakovë përkrahë fuqishëm vendimin e Kryesisë Qendrore të LDK’së për dalje nga koalicioni qeverisës me PDK’në”, thuhet në komunikatën e nënshkruar nga Nënkryetari i Degës, Afrim Sylejmani.

“Gjithashtu Kryesia e Degës së LDK’së në Gjakovë konsideron se qëndrimet e Kryetarit të degës, z. Astrit Haraqija janë qëndrime të tij personale dhe nuk paraqesin qëndrimet e Degës së LDK’së në Gjakovë”, vazhdon komunikata.
Ky qëndrim i Degës, sipas Astrit Haraqisë, është i pavlefshëm.

“Në atë mbledhje ku është shkruar kjo komunikatë kanë marrë pjesë 5-6 njerëz. Edhe, ata nuk kanë mundur të mbajnë mbledhje, sepse unë si Kryetar kam të drejtë t’i thërras mbledhjet e këtë mbledhje unë nuk e kam thirrur”, ka thënë Haraqija, duke paralajmëruar se do t’i sqarojë gjitha çështjet në takimin që pritet ta zhvillojë me Degën e LDK’së në Gjakovë të hënën.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30