Nysret Ismajli: Infarkti i PDK-së

nga **Agim Gashi** Tue Oct 19, 2010 1:43 am

Jepni dorëheqje se e prish imazhin e Kosovës

I n f a r k t i i P D K-s ë

Nga Nysret Ismajli

Kreu e PDK-së njëherësh kryeministri i Kosovës z. Hashim Thaçi jo zyrtarisht kishte filluar fushatën elektorale, por fushata i mbeti në fyt me vendimin e LDK-së për prishje të koalicionit. Që nga dorëheqja e Fatmir Sejdiut nga pozita e Presidentit të vendit, koalicioni PDK-LDK po bëhej gjithnjë e më me pak kuptim. Dorëheqja e Presidentit Sjdiu ndodhi në momentin që Gjykata Kushtetuese doli me qëndrimin e saj se Presidenti paska bërë shkelje Kushtetuese me mbajtjen e dy posteve, njërin prej të cilëve nuk e ushtroi që nga zgjedhja e tij në krye të shtetit. Veprimi i Presidentit Sejdiu u vlerësua shumë, sidomos nga ana e analistëve politik vendor e të huaj. Veprimi i Gjykatës Kushtetuese u mendua si i ngutshëm, ngase, ardhja e tij në krye të shtetit u bë në koordinim me zyrtarë vendor e ndërkombëtar.

A thua kush është shkelësi më i madh i Kushtetutës së Kosovës?

Ishte Kryeministri Thaçi që me të dy këmbët e shkeli këtë Kushtetutë për të disatën herë.

Të gjithë opinioni e di shumë mirë se Kryetari i Rahovecit z. Qazim Qeska kishte dhënë dorëheqje. Lideri i PDK-së njëherësh Kryeministër z. Hashim Thaçi e kishte detyruar që të kthehet në detyrë atë, madje në një prononcim të përbashkët para gazetarëve ishte kapur duke i pëshpëritur në vesh se çfarë duhet të fletë z. Qeska para gazetarëve. Në atë prononcim publik z. Qazim Qeska në fytyrën e tij dukej aq i trishtuar e shumë kujt ia kujton ndonjë film me personazhe të trishtuara nën kërcënimin e armës.

Ai si lider i PDK-së dhe Kryeministër, shumë herë ka ndikuar në keqfunksionimin e Kuvendit të Kosovës, kjo u dëshmua edhe në seancën e fundit kur ai u mundua që vjedhurazi të kalon Strategjinë e Qeverisë për Privatizimin e PTK-së. Në këtë seancë disa herë kërkoi nga deputetët ta votojnë këtë strategji duke u shfaqur në foltoren e Kuvendit. Deputetët tjerë ani pse kërkuan fjalën nuk e patën mundësin të dalin në foltore sepse këtë ua mohoi Kryetari i Kuvendit sigurisht ngaqë kishte presion nga lideri i tij. Ai e hodhi në votim këtë strategji edhe pse deputetët kishin filluar ta braktisin seancën. Ai u arsyetua se nuk i kishte parë deputetët që po dilnin nga Kuvendi, mbase për Jakup Krasniqin duken të vegjël deputetët sidomos kur para vetës ka liderin e tij të partisë. Kur ja shtojmë se ai tani është edhe ushtrues i detyrës së Presidentit të Kosovës, kush e di se si mund të ndjehet. Por për ne, vërtet ky nuk ka kapacitet për këto përgjegjësi kaq të larta shtetërore, sidomos kur krahasohet me Dr. Fatmir Sejdiun, të plasë e qeshura. Dr. Fatmir Sejdiu është i dëshmuar për udhëheqje, ndërsa për të kuptuar udhëheqjen e z. Krasniqit mjafton që një natë të vonshme ta shikoni INTERAKTIVIN në KTV duke u përqendruar në pjesën e oooops-it sepse tani është bërë personazh i kësaj rubrike me hutinë e tij.

z. Jakup Krasniqi i cili si u.d i Presidentit të Kosovës kishte shpallur datën e zgjedhjeve të parakohshme edhe pse partive parlamentare u kishte premtuar se do të ketë edhe një konsultim me ta. Sigurisht që ky nuk e kishte pyetur liderin e partisë i cili lë të kuptohet se e detyroi të vendosë për 13.02.2011. por duke e gabuar vitin ngase për të ky vit ka qenë viti i karrierës së tij si u.d i Presidentit por natyrisht duke numëruar ditët dhe duke u fotografuar në kolltukët e zyrës së tij të cilat do t’i mbeten në kujtesë si fotografi që duhet ruajtur në familje.

Kjo sipas mendimit tim ndodhi sepse z. Hashim Thaçi filloi fushatën e parakohshme elektorale duke e (keq)përdorur detyrën e tij si kryeministër i Republikës së Kosovës. Vetëm pak orë para prishjes së koalicionit kryeministri kishte deklaruar se mësimdhënësve do t’ua rritë pagat për 50 % sikur që në fillim të këtij mandati qeverisës e kishte bërë të njëjtën gjë. Jo vetëm punëtorëve arsimor por ai pati paralajmëruar se të gjithëve do t’ua ngritë pagat pa përjashtime. Këto ishin premtime boshe dhe që mbetën dhe do të mbetën të tilla ngase Qeveria Thaçi e konsumoi këtë mandat, pa pasur një planë qeverisës.

Për Qeverinë Thaçi në diskutimet publike mbi analizat politike u tha se është më e korruptuara nga të gjitha Qeveritë e kaluara, madje këtë gjë e tha edhe raporti i progresit. Kjo Qeveri e shiti Kosovën për më pak se 1 miliard euro. Mbaroj ky mandat i Qeverisë Thaçi se edhe rrugët patën me i fut në privatizim.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30