Nazim Bllacës i vazhdohet arresti shtëpiak

nga **Agim Gashi** Thu Oct 21, 2010 9:10 pm

Nazim Bllacës i vazhdohet arresti shtëpiak

Prokuroria Speciale e Kosovës ka propozuar të mërkurën vazhdimin e arrestit shtëpiak edhe për një muaj për Nazim Bllacën, me kërkesë të prokurorit special, Mauricio Salustro, i cili ka dhënë edhe arsyet pse duket t'i vazhdohet arresti.
Në kërkesën dërguar gjyqtarit, Françesko Flori, prokurori Salustro thotë se janë duke u bërë disa analiza balistike dhe analiza të tjera të provave. Po ashtu, në arsyetim ky prokuror ka thënë se është në përfundim të hartimit të aktakuzës dhe për këtë arsyeje duhet t'i vazhdohet paraburgimi. Në këtë kërkesë, ndërkaq, nuk përmendet më akuza për vrasjen e Salih Gashit, në qershor të vitit 1999, për të cilën tash akuzohet vetëm Fahredin Gashi.
Trupi gjykues ndërkaq pritet që javën e ardhshme ta shqyrtojë kërkesën e prokurorit për vazhdimin e arrestit shtëpiak. Ditë më parë një panel gjyqësor i Gjykatës së Qarkut të Prishtinës, i kryesuar nga gjyqtari italian, Françesko Flori, e ka aprovuar më 2 shtator të këtij viti kërkesën e Prokurorisë Speciale të Kosovës, që Nazim Bllaca të shpallet dëshmitar bashkëpunues në lidhje me vrasjen e Salih Gashit në qershor të vitit 1999 dhe të mos akuzohet për këtë vrasje, shkruan shtypi i sotëm i Kosovës.
Vrasja e Salih Gashit, më 15 qershor të vitit 1999, në shtëpinë e tij në Varigovc të Lipjanit, për të cilën ngarkohen Nazim Bllaca dhe Fahredin Gashi, është cilësuar si krim lufte kundër popullatës civile. Gjykata ka urdhëruar që fillimi dhe vazhdimi i procedurave penale dhe shqiptimi i dënimit kundër Nazim Bllacës është i ndaluar për akuzat e përshkruara më lart. Gjykata i beson Nazim Bllacës, duke u bazuar në deklaratat e tij të dhëna autoriteteve hetimore dhe medieve, i cili kurrë nuk është përpjekur që ta fshehë apo ta zvogëlojë përgjegjësinë e tij për kryerjen e vrasjeve dhe sulmeve të përshkuara nga ai dhe kurrë nuk është munduar që të gjejë arsyetime për krimet e tij. Duke iu referuar burimeve brenda Prokurorisë Speciale të Kosovës, mediet shkruajnë se më 25 shtator ka filluar hartimi i aktakuzës bazuar në dëshmitë dhe provat materiale të ofruara nga Nazim Bllaca dhe në veprimet hetimore e gjetjes së provave shtesë pas daljes publike të Bllacës. Sipas këtyre burimeve të gjithë njerëzit e përmendur si të përfshirë në vepra kriminale do të jenë të akuzuar kush më lehtë e kush më rëndë, varësisht nga roli që ka pasur në krimet e kryera nga viti 1999 deri në vitin 2007.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30