Zogaj: 20 vjet nga ikja e Kadaresë mungon demokracia

nga **Agim Gashi** Mon Oct 25, 2010 7:27 pm

Zogaj: 20 vjet nga ikja e Kadaresë mungon demokracia

Publicisti dhe politikani i njohur Prec Zogaj në një konferencë për shtyp sjell në vëmendjen e publikut largimin e shkrimtarit të njohur Ismail Kadare, nga Shqipëria, 20 vjet më parë. Sipas Zogajt, largimi i Kadaresë, u bë për tu distancuar nga parodia dhe iluzionet e demokracisë në Shqipëri.
“20 vjet më parë ka ndodhur një ngjarje shumë e vecantë dhe e rëndësishme për demokracinë në Shqipëri dhe prandaj opozita e bashkuar kërkon që ta evokojë këtë ngjarje për rëndësinë që ka patur. Shkrimtari i shquar Ismail Kadare, deklaroi nga Parisi largimin e tij nga Shqipëria. Pikërisht pra në këtë kohë pezull, të mbushur me zhgënjime Ismail Kadare mori vendimin historik duke deklaruar botërisht distancimin e tij nga parodia dhe iluzionet e demokracisë në Shqipëri”.
Duke e cilësuar vendimin e Kadaresë akt politik të guximshëm, Zogaj në emër të opozitës së bashkuar kërkoi që institucionet qeveritare të mos lënë nqë harresë ngjarje të kësaj rëndësie.
"Ikja e Kadaresë në tetor të vitit 1990 ishte një akt politik dhe intelektual i guximshëm me efekte pozitive të jashtëzakonshme për kursin që morën zhvillimet demokratike të kohës. Ndërkaq gjejmë rastin të shprehim sërish mirënjohjen tonë për shkrimtarin Ismail Kadare, sikurse dhe të apelojmë kundër amnezisë, kundër harresës së ngjarjeve të kësaj rëndësie nga institucione qeveritare dhe shtetërore që kanë edhe detyrimin ti sjellin në vëmendjen e publikut", theksoi Zogaj.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30