Kapet grupi shqiptaro-serb, kontrabandonte emigrantë

nga **Agim Gashi** Tue Oct 26, 2010 1:52 pm

Kapet grupi shqiptaro-serb, kontrabandonte emigrantë

Nga Express më 23 tetor 2010

Policia e Kosovës në rajonin e Mitrovicës ka arrestuar një grup shqiptarësh dhe serbësh, të cilët merreshin me kontrabandim të migrantëve dhe falsifikim dokumentesh.

Inteligjenca e Rajonit të Mitrovicës, në rruge Operative kishte marrë informacione se një grup personash nga Rajoni i Mitrovicës planifikonte që me dokumente të falsifikuara të udhëtonte përmes pikës kufitare “Porta 1” në drejtim të Serbisë (Suboticës), me destinacion përfundimtar vendet e Evropës Perëndimore.

Sipas policisë, përgatitjet për ketë udhëtim, ata i kishin filluar rreth një javë me parë. Përmes të dyshuarve G. Zeneli dhe B. Osmani, që të dy nga Mitrovica, i kanë siguruar dokumentet/ letërnjoftimet jugosllave që dyshohet se janë të falsifikuara. Ata, po ashtu u kishin aranzhuar klientëve të tyre udhëtimin nga Mitrovica, drejt Suboticës.

“Më 22 tetor 2010, katër shtetasit kosovarë, me dy të dyshuarit e cekur me larte janë takuar në Mitrovicë, e me pas me aranzhimin e tyre nga rreth orës 13 janë nisur nga Mitrovice drejt Suboticës, me veturën taksi - vozitës personi me pseudonimin “Puro” S. Jovanovic (1955). Pas pak kohë që ishin nisur drejt pikës kufitare Porta 1, “Puro” e ka ndalur veturën dhe ka aranzhuar një taksist tjetër me emrin, M. Vladisavljevic (1942). Pas kësaj, të katër shtetasit kosovarë janë nisur me M. Vladisavljevicin, me veture Opel Astra, dhe kjo veturë është ndaluar nga policia në afërsi të Leposaviqit”, jep detaje policia.

Pas intervistimit të tyre dhe punës profesionale policore operative të zyrtareve policorë është arritur të mësohet vendi ku janë falsifikuar letërnjoftimet Jugosllave.

Rreth orës 18, në konsultim me Prokurorin Publik të Qarkut ne Mitrovice, Njësia e Hetimeve e Departamenti të Policisë Kufitare, në bashkëpunim me njësitet policore të Drejtorisë Rajonale të Mitrovicës, në rrugën “Marija Shllaku”, në Mitrovicë kanë kryer një bastisje në shtëpinë e të dyshuarit I. Shabani, e cila ka rezultuar me gjetjen dhe konfiskimin e provave në vazhdim:

Dhjetëra dokumente të ndryshme, të cilat besohet se janë të falsifikuara; 17 vula te ndryshme, indigo/ ngjyre për vula, pajisje të tjera për falsifikim e dokumenteve, më shumë se 500 unaza, holograme, dy makina për shtypje e unazave, makina për shpim, makinë shkrimi, lupa, pinceta, thika, shume pajisje tjera qe dyshohet se janë përdorur për ketë qëllim. Po ashtu janë gjetur shtatë plumba të revoles.

Në konsultim me Prokurorin e Prokurorisë së Qarkut ne Mitrovicë, katër të dyshuar të cilët kanë falsifikuar, siguruar dokumente e udhëtimit dhe kanë aranzhuar udhëtimin, janë dërguar në mbajtje. Ata janë: I. Shabani (1957), S. Jovanevic (1955), G. Zeneli (1989) dhe B. Osmani (1990).

Ndërsa katër dhe të dyshuarit që kane përdorur dokumente të falsifikuara dhe taksisti, pas intervistimit, në cilësi të personave të dyshuar, janë liruar në procedurë të rregullt: F. Latifi, A. Beqiri, S. Kovaqi, A. Tahiri, M. Vladisavljevic. Për sigurimin e dokumenteve dhe aranzhimin e udhëtimit Mitrovicë – Suboticë, katër shtetasit kosovarë kanë paguar nga 550 euro.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30