Doris Pack: Imazhi i Shqiperise eshte demtuar nga veprimi destruktiv i opozites

nga **Agim Gashi** Wed Oct 27, 2010 1:09 am

Eurodeputetja Doris Pack ka vlerësuar rrugën që ka bërë deri më tani Shqipëria drejt anëtarësimit të plotë në Bashkimin Evropian si dhe theksoi se tashmë është koha që opozita shqiptare të bëjë politikë dhe jo të paralajmërojë protesta. Ajo u shpreh në një intervistë për RTK se në vitet e fundit ka përjetuar një zhvillim shumë të madh përpara.
“Tani jemi në një situatë kur Shqipëria ka plotësuar të gjitha kushte për heqjen e vizave dhe kjo po ndodh. Problemi i vetëm i Shqipërisë janë zhvillimet politike me të cilat është dëmtuar imazhi i vendit në Evropë dhe botë dhe është koha e fundit që opozita në Shqipëri të bëjë politikë dhe jo të paralajmërojë përleshje nëpër rrugë dhe protesta kundër çdo gjëje në Shqipëri. Ata duhet të kujtohen se janë zgjedhur nga populli për të qenë pjesë e parlamentit për të miratuar ligje, dhe nëse duan ligj më të mirë zgjedhor, atëherë le ti miratojnë në parlament. Nëse ata kundërshtojnë që këtë ta bëjnë në parlament, atëherë shtrohet pyetja: nëse vërtetë ata janë të interesuar seriozisht të kenë një ligj më të mirë zgjedhor. Pra, më duhet të përsëris edhe një herë: imazhi i Shqipërisë për fat të keq është dëmtuar në Evropë dhe botë për shkak të veprimit destruktiv të opozitës. Dëshiroj të them se është koha e fundit që opozita dhe qeveria të krijojnë raporte normale ashtu si ndodh kudo në vende normale dhe demokratike. Vërtetë është dëm, Shqipëria ka bërë përparime të madhe viteve të fundit në shumë fusha si janë lufta kundër korrupsionit, dhe do të ishte akoma më mirë sikur të mos ndodhnin këto grindje të brendshme të motivuara politikisht”, është shprehur ajo.

Gazeta jonë

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30