EULEX-i fillon denimet:EULEX-i e dënon me 17 vjet një shqiptar

EULEX-i e dënon me 17 vjet një shqiptar





Nga Express më 04.03.2009 në ora 12:58

Një shqiptar i Kosovës është dënuar me 17 vjet burgim në gjykimin e parë për krime lufte të mbajtur nën mbikëqyrjen e Misionit për Sundimin e Ligjit në Kosovë - EULEX.

Gani Gashi, 59-vjeçar, nga Komorani u shpall fajtor për vrasje, vrasje në tentativë dhe dëmtim të rëndë trupor, njofton Zyra për Informim e EULEX-it, nëpërmes një komunikate për shtyp.

Çështja ka të bëjë me një incident që ka ndodhur më 12 korrik 1998 në një pikë kontrolli pranë Komoranit të Drenasit. Katër anëtarë të familjes shqiptare të Kosovës, Obrija, ishin qëlluar nga Gashi. Viktimat ishin babai, nëna, djali dhe nipi. Babai vdiq ndërsa tre anëtarët e tjerë të familjes u plagosën rëndë.

Paneli i tri gjykatësve përfshinte dy gjykatës nga EULEX-si dhe një gjykatës të Kosovës. Prokurori ishte gjithashtu nga EULEX-si.

“Ky gjykim tregon se EULEX-si është serioz lidhur me hetimin dhe përndjekjen e rasteve të krimeve të luftës, kudo që kanë ndodhur, për sa kohë që kemi dëshmi të mjaftueshme për të vazhduar me një përndjekje të suksesshme ligjore. Ne do ta bëjmë këtë pavarësisht nga përkatësia etnike a tyre që janë të përfshirë në krime”, ka thënë Theo Jacobs, kryeprokuror i EULEX-it.