NE SHENJE TE 5 (PESEVJETORIT) TE VDEKJES, KUSHTUAR ATDHETARIT TE PAEPUR PER LIRI E BASHKIM KOMBETAR, SI DHE VETERANIT TE MJEKESISE:-Dr.Burhan Pasholli

nga **Agim Gashi** Thu Mar 05, 2009 1:32 am

NE SHENJE TE 5 (PESEVJETORIT) TE VDEKJES, KUSHTUAR ATDHETARIT TE PAEPUR PER LIRI E BASHKIM KOMBETAR, SI DHE VETERANIT TE MJEKESISE:-Dr.Burhan Pasholli

E kemi për detyrë ta përkujtojmë secilin atdhetar që ka dhënë kontribut për komb e atdhe, poashtu t’i përkujtojmë dhe të gjithë dëshmorët që derdhën gjakun për liri. Pas daljes nga burgu, në

vitet e ’90 z. Adem Demaçi, thoshte:-”Pas vdekjes lypset shkruar për meritat e secilit dëshmor e atdhetar, jo më parë”!

Më 13 shkurt’09 mbushen plot pesë vjet nga dita kur pushoi së rrahuri zemra e veteranit të mjeksisë, zemra e të burgosurit shumëvjeçar politik dhe e atdhetarit të paepur për liri e bashkim kombëtar, i cili me tërë qenien e tij u vu në shërbim të popullit të vet të shtypur shekuj me radhë nga të huajt. Vdiq, një vit më pas, nga Dita historike e dibranëve, kur më 2 mars 03, në praninë e mijëra dibranëve dhe të bashkëkombasve të tjerë të ardhur nga të gjitha viset shqipare e nga Diaspora, në Dibrën legjendare u krye inaugurimi i Shtatores së Skënderbeut. Dr. Burhani, Kryetar i Komisionit për grumbullimin e ndihmave për ngritjen e Shtatores, pa tekst, iu drejtua mijëra pjesëmarrësve në ate manifestim madhështor, me këto fjalë:

-” Skënderbeu ka qenë një i burgosur politik nga pushteti maqedon, ndërsa ne sot e lirojmë dhe e kthejmë në Dibër. Kjo ka qenë një dëshirë e kahershme e dibranëve”.Ai, së bashku me aktivistë të tjerë, ishte personi më i angazhuar për sendërtimin e asaj ngjarjeje, që kaq vite ishte ëndër për gjithë shqiptarët, sepse, një pjesë të madhe të betejave triumfuese, Skënderbeu i bëri pikërisht në këto troje:

-Kështjellën e Sfetigradit, Uranik e Dibër të Madhe.

LIRIA DHE BASHKIMI KOMBETAR MBI TE GJITHA
Që në moshë të re, për shkak të padrejtësive që kryente pushteti monist maqedon, u brumos me ide patriotike e revolucionare. Më 1956,si student solid i Fakultetit të mjekësisë në Shkup, burgoset si anëtarë i Organizatës Nacional Demokrate Shqiptare, së bashku me studentë të tjerë shqiptarë: - Remzi Pustina, Abdurrahim Taravari, Rifat Pasholli, Adnan Agai, Raif Maleziu, Abaz Dugagjini, etj.Kjo Organizatë është themeluar në Prishtinë, më 1951 që nga koha kur ishte maturant në gjimnazin e Prishtinës. Të lart përmendurit themelojnë Degën në Maqedoni me në krye Dr. Burhan Pashollin. Një nga pikat programore të N D SH–së ishte që të përmirësohen gabimet historike të Konferencës së Londrës e të themelohet Shqipëria me kufinjtë e saj etnik. Të nxisin luftën e drejtpërdrejt kundër shpërnguljes së shqitarëve në Turqi, hapjen e shkollave shqipe në tërë vendin dhe lejimin me ligj të përdorimit të Flamurit tonë kombëtar. Pas zbulimit të Organuizatës nga organet e UDB, anëtarët e saj u dënuan me burgime drakoniane. Dr. Burhani u dënua tetë vite burgim, të cilët i vuajti nën shufrat e hekurta të burgut famëkeq të Idrizovës. Pas vuajtjes së dënimit, specializimin e Mjekësisë së Përgjithshme e kreu në Prishtinë.

–Të dhëna nga gazetari, Nefail Spahiu.

TERE JETES I QENDROI BESNIK TEORISE SE HIPOKRATIT.

AI ISHTE I AFERT DHE I DASHUR ME TE GJITHE.
I takoi Plejadës së parë të mjekëve të specializuar dibranë dhe, pas Dr.Tonus Ballanca dhe Dr. Qeram Zllatku, ai veshi mantilin e bardhë dhe për më se katër dekada u vu në ngritjen e cilësisë së mjekimit të përgjithshëm, në Dibër e gjetkë. Si mjek specialist,tërë përvojën dhe aftësitë e tij profesionale i vuri në shërbim të nje rëzimit.

Unë, s’do t’ia harroj kurrë ndihmesën që ia ofroi Nënës sime të ndjerë -Hamides, Dr. Burhani. Ajo vuante nga sëmundja e zemrës dhe rreth tridhjetë vjet të jetës së saj s’i vuri sytë në gjumë dhe gati në çdo dy-tri ditë kërkonte të shkojë në vizitë që të kurohet tek Dr. Burhani, i cili, jo vetëm që i ofronte lloj - lloj ilaçe (barna), por edhe me fjalë të mira, ai i shëronte të sëmurët. Gjithmonë i rridhte mjaltë prej goje dhe, pas çdo vizite, ajo ndjente në shpirt lehtësi dhe shpresë për shpëtim.

Gjatë çdo vizite, ulej pranë tij dhe zhvillonin bisedën së bashku:

Hë, nëna e Imit, si të kemi ? -Ajo, para se t’i tregojë për sëmurjen e pyeste me radhë Dr.Burhanin, për shëndetin familjar, për nënën e tij, që e kishte dhe të vetën, për farefisin, ashtu siç e kishin zakon të moshuarit. Dr. Burhani ndjente kënaqësi e i përgjigjej:

Ti je e bija e Xheladin Strazimirit,“dardha bie nën dardhë“, ndaj dhe unë, ashtu si për gjithë pacientët tjerë, kujdesem dhe për shëndetin Tuaj. Asaj i vinte mirë kur i dëgjonte fjalët e tij, plot nderim e respekt. Pas ndarjes me Dr. Burhanin, më drejtohej mua: O bir, e din, sa shkoj tek Dr. Burhani, akoma pa i pi ilaçet -ndjehem më mirë!

S’e harroj kurrë janarin e vitit ’75, ditën kur Nëna ime shumë e dashur ndërroi jetë. Ishte tepër e sëmurë. E mbajta në shpinë dhe shpejt e shpejt e dërgova në Spital. Pas disa minutash, doli Dr. Burhani, m’u drejtua e më tha:-Imi, nuk do ta sjellish më Nënën këtu në Spital !-Të rroni ju dhe fëmijët ! -Në përqafim me të, qava, qava dhe qava me dënesë (rënkim të thellë) !-Kësi qëndrimi kishte dhe me pacientët e tjerë, Dr. Burhan Pasholli, mjeku specialist me qëndrim dinjitoz, serioz dhe autoritativ në mbarë Trevën e Dibrës e gjetkë. Për të fundit herë familjarisht u ulëm së bashku në një tryezë me Dr. Burhanin e ndjerë dhe z-jën Engjëllushe, në dasmën e djemve të shokut tonë, poashtu tani të ndjerë-Atli Piperku, më 18 gusht’02. Ai, na i kish rruajtur vendet dhe, atë ndeje, atë takim të përzemërt dhe bisedat e ngrohta me të, do i rruaj si kujtim gjatë tërë jetës sime.

Këtu, në Suedinë e largët, me indinjim të papërshkruar morëm lajmin e hidhur për vdekjen e Dr. Burhan Pashollit, të mikut tim shumë të çmuar, të atdhetarit të paepur për liri e bashkim kombëtar, të mjekut specialist,i cili me korrektësi e besnikëri iu përmbajtë Teorisë së Hipokratit:-Pacienti në rend të parë !

Porsa më njohtuan për vdekjen e tij, menjëherë përmes linjës telefonike,ngushullimet më të thella ia shfaqa bashkëshortes së tij, pedagoges së çmuar e me përvojë, z-jës –Engjëllushe dhe bijës së tij, ish nxënëses sime shumë të zgjuar-Sihanës, me këto fjalë:- Dr. Burhani do jetojë i gjallë në zemrat e gjithë shqiptarëve për jetë të jetëve! Humanizmi njerëzor, patriotizmi, zgjuarsia, sfidat dhe sakrificat e bëra të tij për vatan, do jenë shembëlltyrë dhe udhërëfim për brezat e ardhshëm. Mburuni se çfarë bashkëshorte çfarë prindi keni pasur, ju z-ja Engjëllushe dhe fëmijët: -Sihana, Jetlum dhe Arlinda, që të tre të diplomuar-a me arsim sipëror. Dhimbjen e ndajmë së bashku !

Dritë i bëftë shirti dhe lavdi veprës së tij !

Malme-Suedi, shkurt*09 v.

Me dashuri e respekt të përjetshëm,

I. Egriu me familje

Ç’thotë simboli i rezistencës kosovare, z. Demaçi dhe veprimtari

Meriman Braha për dr. Burhan Pasholli:

VËLLA IBRAHIM, Faleminderit për shkrimin e mrekullueshëm që kishe shkruar për vëllaun tonë të ndjerë BURHAN PASHOLLI.
Kam qenë krejt i vogël, por e mbaj mend fort mirë atë burrë dukat, atë burrë pa shibla, atë atdhetar të devotshëm.
Vëllau BURHAN NUK VDIQ. ai VETËM NDËRROI JETË, SEPSE PAS VETES LA VEPRËN E
PAHARRUESHME.

Adem Demaçi Tung! Adem Demaçi (FAXIMIL)

demaci@alb-net.com

I dashur mik Ibrahim,
Mesazhet tuaja kuptimplote gjithnje i lexoj me endje. Je shume i kujdesshem me shoket dhe me figurat e

njohura te ceshtjes kombetare. Mesazhin tend e pashe dhe nje kujdes per figuren e ndritur dhe shume te respektuar te çeshtjes kombetare dhe te mjekesise shqiptare Dr. Burhan Pashollit.

Prof. M. Braha

Kontributi i tij i madh nuk mund te mbyllet vetem ne rrethin e Dibres heroike e as ne rrethin e shokeve dibrane. Ai i kalon kufinjte e nje treve dhe shtrihet ne teresine gjeografike dhe etnike shqiptare. Andaj me respekt dhe

pietet nderohet kudo vepra e tij.
Te falemnderit per shkrimin dhe foton e derguar.
Te pershendes ngrohtesisht ty dhe familjen tende.
Shume te fala,
Meriman Braha-Koordinator per arsim dhe kulture në Kosove.

merimanb@yahoo.com (FAXIMIL)

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31