Daci: Me ëndje do të bashkëpunoja me Ukë Rugovën

nga **Agim Gashi** Fri Oct 29, 2010 8:22 pm

Daci: Me ëndje do të bashkëpunoja me Ukë Rugovën

Kryetari i Lidhjes Demorkatike të Dardanisë, Nexhat Daci është shprehur i gatshëm që të bashkëpunojë me listën e re, e cila është formuar brenda LDK-së në krye me Ukë Rugovën.

Megjithkëtë, bashkëpunimi i mundshëm pritet të bëhet pas zgjedhjeve parlamentare, pasi LDD garon e vetme në këto zgjedhje.
Lidhja Demokratike e Dardanisë tha se e mbështet nismën e Ukë Rugovës me listën e re që quhet “LDK- Ibrahim Rugova. Por, kreu i LDD-së, Nexhat Daci, përjashtoi deklarimet se partia e tij do të bëjë koalicion parazgjedhor me këtë nismë të re, pasi në zgjedhjet e ardhshme parlamentare , LDD-ja, sipas Dacit, do të garojë e vetme. Ai tha se pas zgjedhjeve, nuk do të bashkëpunojë me asnjë njeri tjetër më shumë sesa me Ukë Rugovën.
“LDD ka vendosur më herët se në këto zgjedhje shkon pa koalicione, ndërsa pas zgjedhjeve nacionale me askë më me ëndje nuk do të bashkëpunojë sesa me Ukë Rugovën dhe ekipin e tij nëse na ipet rasti, pra, një bashkëpunim konstruktiv”, tha Daci.
Daci tha se dalja e birit të Presidentit Ibrahim Rugova në skenën politike, është një freski e mirë që qytetarët dhe simpatizantët kanë kah të drejtohen, pasi që LDK-ja e deritashme, asnjëherë nuk është dëshmuar si rugoviane.
“Sepse ka propozuar autostratdën që do ta ketë emrin Ibrahim Rugova dhe nuk e ka mbajtuar fjalën, e ka propozuar Aeroportin e Prishtinës dhe nuk e ka mbajtur fjalën. Dhe, mbi të gjitha, edhe Ligjin për Presidentin e ka nxjerrur për veti e jo për presidentin historik”, thotë Daci.
Daci edhe sot rikonfirmoi se LDD-ja, të martën, më 2 shkurt, do të votojë mocionin për rrëzimin e Qeverisë. Ndryshe, LDD-së, sot i’u bashkuan 46 të rinj, ndërsa kandidati i saj për zgjedhjet komunale në Rahovec do të jetë Luljeta Kadiri.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30