Ukë Rugova, bojkotoi Kuvendin Zgjedhor të Velanisë

nga **Agim Gashi** Sun Oct 31, 2010 11:42 pm

Ukë Rugova, bojkotoi Kuvendin Zgjedhor të Velanisë

Dega e tretë e Lidhjes Demokratike të Kosovës (LDK), gjegjësisht nëndega e Velanisë në Prishtinë, mbajti Kuvendin e shtatë zgjedhor, ku zgjodhi kryesinë e re të saj. Ndonëse ishte i ftuar në cilësinë e delegatit të aktivit të degës së Velanisë, këtë Kuvend Zgjedhor e bojkotoi djali i ish presidentit Ibrahim Rugova,Uka i cili bashkë me ish ministrin e shëndetësisë, Bujar Bukoshi, janë pjesë e listës alternative brenda LDK-së, të quajtur “LDK-Ibrahim Rugova”.
Kryetari i degës së tretë të LDK-së, degës së presidentit Rugova, Agim Krasniqi tha se Uka kishte qenë i ftuar të marrë pjesë në këtë Kuvend Zgjedhor.
Rregullat statusore të Lidhjes Demokratike të Kosovës, thonë se asnjë delegat nuk mund të shkoj në Kuvendin e përgjithshëm zgjedhor të partisë nëse nuk ju nënshtrohet procedurave të zgjedhjes në degë dhe nëndegë.
Ukë Rugova djali i presidentit të ndjerë, Ibrahim Rugova, ditë më parë bashkë me ish ministrin e shëndetësisë, Bujar Bukoshin, Astrit Haraçinë dhe Dardan Gashin, publikuan listën e tyre alternative brenda LDK-së të cilën e emruan “LDK-Ibrahim Rugova”.
Këtë iniciativë ata kishin deklaruar se e kanë marrë të pakënaqur me punën e udhëheqjes aktuale të LDK-së, në krye me ish presidentin e Kosovës Fatmir Sejdiu.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30