Bisedime ndërmjet AAK-së dhe Listës “LDK- Ibrahim Rugova”

nga **Agim Gashi** Fri Nov 05, 2010 2:05 pm

Bisedime ndërmjet AAK-së dhe Listës “LDK- Ibrahim Rugova”

Daut Haradinaj e Astrit Haraqija po mundohen të gjejnë një zgjidhje që në rast pajtimi, do të rezultojë me një garim të përbashkët në zgjedhjet e 12 dhjetorit. Ata u takuan të enjten dhe biseduan për mundësitë e nënshkrimit të një marrëveshje koalicioni mes AAK-së dhe Listës “LDK – Ibrahim Rugova”.
“Ajo çfarë po mëtojnë të arrijnë AAK dhe Lista... është bashkimi i të gjitha subjekteve politike me orientim djathtist në Kosovë”, tha Hradinaj. Ai tha se një koordinim i tillë, mund t’i bëjë nderë edhe figurës së Ibrahim Rugovës.
Lista, LDK Ibrahim Rugova është duke zhvilluar negociata edhe me parti të tjera politike në Kosovë, për një koalicion parazgjedhor. Astrit Haraqija thotë se Lista “LDK – Ibrahim Rugova” ka si qëllim bashkimin e forcave politike për largimin nga pushteti të Hashim Thacit dhe Partisë Demokratike të Kosovës.
Këto negociata, sipas medieve, janë zhvilluar edhe me AKR-në, por me kushtin që listës t’i prijë Ukë Rugova. Por një gjë të tillë nuk është pranuar nga lideri i AKR-së, Behxhet Pacolli. Po me të njëjta kushte, Lista…ka negociuar edhe me LDD-në, por as Nexhat Daci, nuk ka lejuar që dikush tjetër pos tij, t’i prijë listës zgjedhore.
Ukë Rugova, djali i ish-presidentit të Kosovës dhe themeluesit të LDK-së, Ibrahim Rugova, së bashku me Bujar Bukoshin dhe Astrit Haraqinë, njoftuan ditë më parë për formimin e Listës “LDK – Ibrahim Rugova”. Ky fraksion i LDK-së do të hyjë në zgjedhjet e 12 dhjetorit si iniciativë qytetare, nëse Fatmir Sejdiu nuk largohet nga LDK-ja.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30