PDK: FLORIN KRASNIQI KA QENË DËSHMITAR NË VRASJEN E ILIR KONUSHEVCIT

nga **Agim Gashi** Sat Nov 06, 2010 11:33 pm

PDK: FLORIN KRASNIQI KA QENË DËSHMITAR NË VRASJEN E ILIR KONUSHEVCIT

I rrethuar nga individë dhe grupe kriminale, që mbrojnë iteresat e tij, dhe kërcënojnë të tjerë investues që shpreshin interesim, ai i shantazhon dhe i frikëson me bandat e tij (i afërti i tij, Bedri Krasniqi).

PDK: FLORIN KRASNIQI KA QENË DËSHMITAR NË VRASJEN E ILIR KONUSHEVCIT Pdku

(INFOSOT) - Florin Krasniqi, një nga udheheqësit e lëvizjes ‘Vetëvendosje’, është akuzuar rëndë nga Partia Demokratike e Kosovës, e cila përmes një deklarate për media nuk ka lënë gjë pa thënë për të.

PDK thotë se deklaratat e liderit të ‘Vetëvendosjes’ dhe anëtarit të saj Florin Krasniqit janë thirrje për dhunë dhe destabilizim të Kosovës.

Duke e quajtur ‘pseudopatriot’ Krasniqin, PDK konstaton se ai ka mbledhur në SHBA një fond prej 30 milionë dollarë për ndihmë UÇK dhe nuk ka dhënë llogari për shpenzimin e tyre.

Partia e Hashim Thaçit dyshon se Krasniqi ka paguar rreth 500 mijë euro për një raport në një gazetë me autor David Philips, i cili kishe vlerësuar se SHIK përfiton rreth 300 milionë dollarë në vit në mënyrë të jashtëligjshme.

Në këtë deklaratë të PDK thuhet gjithashtu se Florin Krasniqi ka qenë dëshmitar në vrasjen e komandantit Ilir Konushevci "Mërgimit" në Shqipëri dhe se nuk ka dëshmuar për këtë vrasje.

Deklarata komplete e PDK:

"Duke e vlerësuar procesin aktual politik si mjaft të qetë dhe normal dhe shumë shpresëdhënës për demokracinë qytetare të shtetit tonë të ri dhe perspektiven e tij euroatlantike:

PDK konsideron se gjuha e ofertave të ideve dhe alternativave te qytetari nga subjektet politike, si pjesë e ofertës së opcioneve qytetare për zhvillim dhe përmirësim të jetës së tyre, duhet të jetë larg gjuhës së klithjeve majtiste revolucionare, që ndjellin konflikt dhe destabilizim, që tentojnë të instalojnë te ne, në vend të logjikës së shtetit dhe respektimit të ligjit, logjikën e rrugës, përmbysjes dhe thirrjeve vëllavrasëse.

Si reagim ndaj thirrjeve të shpeshtuara për dhunë dhe destabilizm, që artikulohen nga lideri i “Vetëvendosjes” dhe disa elementëve të errët të importuar afër tij, PDK thërret qytetarët dhe gjithë opinion publik të distancohen nga kjo gjuhë dhe veprime të tilla.

PDK njofton opinionin publik se sa u përket disa pretendimeve të ngritura nga një pseudopatriot i parapaguar, që në fillim tentoi të paraqitej te opinion kosovar në formë manipulimi me gjoja qëndrime zyrtare të shtetit amerikan, për çka Ambasada e SHBA u distancua nga ai, PDK është duke marrë dhe do të merrë rrugë ligjore për t’i shkuar të vërtetës deri në fund.

Duke qenë si parti qeverisëse dhe duke mos dashur të influencojnë në përshpejtim dhe orientim të investigimeve, PDK ka kërkuar një hetim pa paragjykime për të gjitha akuzat, ku roli i Euleksit do të jetë parësor.

Ky investigim do të konsistojë në hetimin e pistave rreth dyshimeve të bazuara se autori ka dhënë shuma rreth 500,000 dollarë nën siglën e raportit në një gazete, me autor David Philips.

Për hir të opinionit pubik, PDK është e detyruar të ofroje disa njohuri për trumbetuesin e këtij raporti, Florim Krasniqi, një nga liderët e “Vetvendosjes”, i cili në vazhdimësi ka synuar dhe synon të njollos udhëheqësit e luftës për liri dhe të nxise konflikte në vend.

Florim Krasniqi, një emigrant ekonomik kosovar, i ikur pas vitit 1991 në SHBA, dhe i martuar me një ish qytetare serbe, familja e së cilës kishte imigruar gjatë ikjeve të forcave çetnike serbe në Poloni, e që pas viteve 90-ta largohet në SHBA. I njëjti është rimartuar së dyti me gruan e mikut të tij familjar në Suedi.

Florim Krasniqi pos që ishte bashkëfshatar i heroit kombëtar Adrian Krasniqi, asnjëherë deri në shpërthimin e luftës më 1998 nuk ka pasur të bëjë me UÇK, duke u endur si qytetar i lirë me pasaportë YU në vendlindjen e tij.

Gjatë luftës angazhohet në përkrahjen financiare të UCK, duke u nisur nga vetëdeklarimet e tij mburrëse në televizionet amerikane. Ai mbledh rreth 30,000,000 dollarë, por për pjesën më të madhe të tyre nuk do të jep asnjëherë llogari.

Është njeriu që më së shumti ka tentuar të njollosë disa udhëheqës të UCK gjatë luftës, dhe pas saj lidhur me vrasjen e njërit nga udhëheqësit dhe luftëtarët të lirisë në Shqipëri, Ilir Konushevci.

Florim Krasniqi ka qenë dëshmitar i vrasjes së një prej dorasve të Ilir Konushevcit në Tropojë, Bislim Demirit, i cili në vitin 1998 vritet në rrethana misterioze, në makinën e Fatmir Haklajt. Asnjëherë deri më sot nuk ka dëshmuar për këtë, duke e lënë të vërtetën në mjegull.

Gjatë luftës ka rrezikuar procesin e furnizimit të UÇK duke u ekspozuar më tepër se sa duke punuar. Bën pjesë në kuadër të njerëzve që ka dëmtuar imazhin e Kosovës në SHBA, duke qenë në kryetituj të gazetave prestigjoze amerikane, pas sulmeve të 11 shtatorit 2001, duke pohuar se terroristët lehtësisht mund ta rrezikojnë shtetin amerikan.

Përpos si kontrabandist armësh ai është i akuzuar për disa raste kriminale të qërimit të hesapeve mes bandave me origjinë nga ish-Jugosllavia në SHBA. Ka një lëndë në gjykatat amerikane lidhur me eliminimin misterioz të kreut të një bande kroate në SHBA.

Florim Krasniqi ka përfituar dhe dëmtuar asetet e Kosovës pas luftës.

I rrethuar nga individë dhe grupe kriminale, që mbrojnë iteresat e tij, dhe kërcënojnë të tjerë investues që shpreshin interesim, ai i shantazhon dhe i frikëson me bandat e tij (i afërti i tij, Bedri Krasniqi).

Për një çmim të ulët, ai ka përvetësuar gjigandin e Pejës, fabrikën e prodhimit të autopjesëve (ish ‘Crvena Zastava’) me një shumë simbolike, duke përfituar edhe nga blerja e tokës, një lokacion prej 300 hektarësh.

“I forti i Vranocit” ishte kujdesur që asnjë investitor tjetër të mos konkuronte. Me forma të tilla të kërcënimeve dhe ofertave të improvizuara, arrin ta blejë fabrikën e prodhimit të konstruksioneve të aluminit LLAMKOS në Vushtrri. Duke konsumuar këtë fitim, ai ka futur në borxh 10 milion euro kompaninë me investitorët bullgare dhe indiane. Pas përvetësimit dhe futjes në borxhe, atë të shkatërruar e braktisin.

Me këto grupe kriminale ka përvetësuar Hidrocentralin e Radoniqit, një aset me vlerë mbi 15 milion euro, të cilin me grupacionet kërcënuese të dhunës dhe manipulimt e mban për ta shitur dhe përfituar ende.

Vitin e kaluar ka përvetësuar së paku dy hidrocentrale të marra me koncensionim nga KEK me vlerë asetesh mbi 5 milion euro.

Në këtë vazhdë është për t’u investiguar edhe blerja e Banjës së Pejës (në banjë të Burimit). Pasi njerëzit e tij kishin imponuar, me kërcënim që blerësit tjerë të heqin dorë nga blerja e parë. Prandaj ky objekt është shitur 30% më ulët".

RROKUM

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30