Naser Rugova:Fitorja e Mustafës - auto korigjimi i LDK-së?

nga **Agim Gashi** Sun Nov 07, 2010 10:28 pm

Naser Rugova:Fitorja e Mustafës - auto korigjimi i LDK-së?

Morra shumë telefonata dhe emaila në lidhje me zgjedhjen e sotme të Isa Mustafës si kryetar i LDK-së dhe për këtë vendosa të shprehi disa mendime të mia fillestare për këtë zhvillim.

Fitorja e Isa Mustafës ndaj Fatmir Sejdiut në Kuvendin e VII zgjedhor të LDK-së në një formë është një lloj auto korigjimi që LDK po i bënë vetes për atë që ka ndodhur në kuvendin e VI-të në dhjetor të 2006. Të jem më i saktë shpresoj të jetë fillimi i auto korigjimit. LDK vetvetiu e ka kuptuar se ishte Famtir Sejdiu dhe klani përreth tij të cilët me shkurtëpamësinë e tyre e patën thyer LDK-në e Ibrahim Rugovës në kurriz dhe e nxitën procesin e dhimbshëm që solli deri te karriget dhe ndarja.

Ashtu si e ka thënë edhe Akademik Daci, LDD e ndjen veten shumë komode që të bashkëpunojë me z. Isa Mustafën dhe mendoj se ky zhvillim hap shumë mundësi dhe korridore të reja që ia vlen të analizohen por mbi të gjitha duhet edhe pak durim dhe qetësi.

Ne duhet të presim dhe të shohim hapat që do ndërmarr Isa Mustafa. Duhet të shohim se çfarë ekipi do të zgjedh përreth vetes dhe se çfarë kursi do të merr. Do të ishte e padrejtë sikur i tërë faji për atë që ka ndodhur në LDK të hidhet vetëm Fatmir Sejdiut! Të gjithë jemi të vetdijshëm për rolin shkatërrues të figurave si Eqrem Kryeziu, Skender Hyseni etj. është më se e vërtetë se këta njerëz janë më fajtor se Fatmir Sejdiu për gjithë ato çka kanë ndodhur dhe nëse këta njerëz dhe të ngjashëm si ata gjejnë udhë të jenë përsëri faktor atëherë kam frikë se entuziazmi i sotëm do të ngelë jetëshkurtër.

Sido që të jetë tani jetojmë në një realitet kur tri forca politike me një origjinë të vetme janë të rreshtuara në skenën politike dhe janë paraqitur në KQZ; jemi ne LDD, LDK dhe LDK-Ibrahim Rugova. Një qeveri e formuar nga këto tre forca do të ishte padyshim dëshira e elektoratit por për ta bërë këtë ne nuk duhet ta luftojmë njëri tjetrin por duhet të gjejmë rrugë që deri sot janë dukur vështirë të kalueshme. Për këtë pajtohem me Akademik Dacin kur thotë se bashkëpunimin duhet ta lëmë për pas zgjedhjeve sepse ndoshta vetëm atëherë do të mesohemi që ta respektojmë njëri tjetrin.

Të shohim se çka do të sjellë e nesërmja!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30