Engjëll Koliqi - Poezi të shkruara më 20 - 22 tetor 2010

nga **Agim Gashi** Mon Nov 08, 2010 5:55 pm

Engjëll Koliqi - Poezi të shkruara më 20 - 22 tetor 2010

PLEQ E TË RINJ

Na thërret shekulli i ri

Dhe historia

T’i këndojmë botës dhe dashurisë

Me çdo çmim

Që sot

E deri në amshim

Garlate (Lecco), 20 tetor 2010

UJISIM DASHURINË

Me djersët e kënaqësisë

Dhe me kroin e mrekullisë

Në të gjitha stinët

Çdo ditë

Ujisim të bardhën dashuri

Garlate (Lecco), 20 tetor 2010

NË PLAGËN E DASHURISË

Dhembje të mëdha hetohen

Dhe ndjehen

Djegëje shpirti

Si mbi ferra

Dhe mot i lig

Me mjegulla e me ngrica

Gjak i pafajshëm rrjedh

Ndalet koha

Dhe...

Garlate (Lecco), 20 tetor 2010

NËPËRMJET RREGULLAVE

Është krejt normale

Dhe e natyrshme

Nga brendësia e shpirtit jemi të detyruar

I vëjmë përgjegjësi vetit

Dhe rrjeshtohemi

Në binarët e kanunit

Marshojmë dhe këndojmë

Duke u mbajtur krejtësisht origjinalë

Para së gjithash

Kultivojmë të shenjtërueshmën dashuri

Garlate (Lecco), 20 tetor 2010

MBRETËRESHA MË SJELL FAT

Këtu në fron

Dhe në jetën time

E lumja mbretëreshë

Nga vetë Zoti e dërguar

Më sjell gjithherë

Fat dashurie

Garlate (Lecco), 20 tetor 2010

PËRPARËSIA JONË

Do të jemi fitues

Në çdo betejë

Edhe në luftën përfundimtare

Sepse e kemi armën më të madhe

Atë të dashurisë

Për lulëzimin e historisë

Garlate (Lecco), 20 tetor 2010

PËR NJERËZIMIN

Unë me mbretëreshën

Jemi gjithmonë të gatshëm

Na janë hapur të gjitha dyert

Stina dhe shekujt na presin duarhapur

Mrekullitë e dashurisë

Po vijnë njëra pas tjetrës

...

Garlate (Lecco), 20 tetor 2010

JEMI ENDE NË FILLIM

Në misionin tonë të dashurisë

Kemi shumë vështirësi

Dhe pengesa

Ende jemi në fillim

Dhe në të mundësive kërkim

Do ia dalim

Dhe me dashuri

Frejt e mbretërisë do i marrim

Garlate (Lecco), 20 tetor 2010

RAST I MIRË

Eja o mbretëreshë

Në këto çaste të bekuara

Të kësaj stine historike

Kemi rast të mirë

Të dëshmohemi

Dhe të rritemi

Me akte të shenjta dashurie

Eja o mbretëreshë

Këtë rast historik ta shfrytëzojmë

Dashurinë ta kultivojmë

Garlate (Lecco), 20 tetor 2010

QIRIU I DASHURISË

Edhe në mesnatë

Ndritë e vezullon

Të gjitha rrugët e njerëzisë

Në regjimin tonë të lumturisë

Garlate (Lecco), 20 tetor 2010

OQEANI I MREKULLIVE

Duke shkuar te mbretëresha

Nga lartësi të mëdha

Poshtë në oqean

I pashë vetë

Mrekullitë e ëmbëla të dashurisë

Garlate (Lecco), 21 tetor 2010

KUR JAPIM FJALËN...

Kur japim fjalën

Unë edhe mbretëresha

Marshojmë fuqishëm

Rrafshit të dashurisë

Kur japim fjalën

Unë edhe mbretëresha

Ditenatë shijojmë

Mjaltin e dashurisë

Kur japim fjalën

Unë edhe mbretëresha

Edhe në stinën e pestë

Jemi në shërbim të mirësisë

Dhe të njerëzisë

Kur japim fjalën

Unë edhe mbretëresha

Ndodh mrekullia

Buzëqeshë dashuria

Kur japim fjalën

Unë edhe mbretëresha

...

Bota ndryshon

Në binarin e dashurisë

Gjithçka përpara shkon!

Garlate (Lecco), 21 tetor 2010

RRUGËVE TË TYRE

Herë flejnë

Herë nguten shumë

Dhe njëri-tjetrin rrëzojnë

Ata të mbretërisë së hiçit

Viktima të stinës biejnë

Dhe misionin e dashurisë

E fillojnë

Por kurrë s’e përfundojnë

Garlate (Lecco), 21 tetor 2010

NË LULEN E FATIT

Bashkë me mbretëreshën

Thithim pa pushuar

Nektarin e ëmbël

Të dashurisë

Garlate (Lecco), 21 tetor 2010

VETËM SIÇ THOTË DASHURIA

Ndryshe

Nuk lejojmë asnjë lule të çelë

Në këtë të pestën stinë të bekuar

Garlate (Lecco), 21 tetor 2010

NUK NDALEN...

Nga të mirat që i kanë vjedhur

Në stinën tonë

Tërbohen

Dhe nguten

E nguten

Nuk ndalen kurrë

As para rrezikut

As para mëkatit

As para tragjedisë

Garlate (Lecco), 21 tetor 2010

EDHE NJË RAST

Nëse s’kemi pasur mundësi në shekuj

Në këtë të bekuarën stinë të pestë

Të shekullit të ri

Kemi edhe një rast

Kemi një rast historik

Të vëjmë vulë të përjetshme

Në të bekuarën dashuri

-

Eja o mbretëreshë

Të mos e humbim rastin!

Garlate (Lecco), 21 tetor 2010

NË KOMANDIMIN E BOTËS

Me fuqi dashurie

Timonin kryesor

Këtu në fronin mbretëror

E mbajmë unë edhe mbretëresha

Nuk do të dalim kurrë

Nga rruga e bekuar

E besës!

Garlate (Lecco), 21 tetor 2010

NË ASNJË ÇAST

Unë me mbretëreshën time

Me mësimin e shenjtërve

Të shekujve të parë

Nuk dijmë

Dhe nuk duam

Të urrejmë

Në asnjë çast

S’e shikojmë shtrembër

Asnjë njeri

Garlate (Lecco), 22 tetor 2010

S’MA IMPONOJNË DOT

Të kota i kanë tentimet

Dhe joshjet që më bëjnë

Unë jam gjithmonë unë

Krejtësisht origjinal

Dhe s’ma imponojnë dot

Asnjë lëvizje

Jashtë arsyes

Garlate (Lecco), 22 tetor 2010

NDËRMJET MREKULLIVE

Me kuptim dashurie

Ne dukemi më të rinj

Dhe më të freskët

Gjithmonë elastikë

Dhe vitalë

Në procesin e shenjtë

Të dashurisë

Mbi ne është përherë

Dora e Zotit

Garlate (Lecco), 22 tetor 2010

TEJ FUQISË SË MREKULLISË

Unë me mbretëreshën

Jemi gjithmonë të pranishëm

Në të bekuarat akte të dashurisë

Pa harruar asnjëherë

Kënaqësinë tonë

Dhe të mbarë njerëzisë

Me ëmbëlsi dashurie

Mbushim të gjitha relievet

Me rregulla të lumturisë

Garlate (Lecco), 22 tetor 2010

NË KËTË DITË TË LUME

U zgjova plot gëzim

Më herët se zakonisht u nisa

Por

Zoti s’e kish shkruar të shkoj

Prandaj u ktheva

Me njëmijenjë mendime në kokë

Dhe me plot dyshime

...

Ndërmora masa

Pak më vonë

Hyra në binarin e dashurisë

Dhe u nisa

...

Mbase kësaj here do të arrij në cak

Plot bujë

Me dashuri

Me mirësi

Dhe me solidaritet

Po më presin krahëhapur

Arbëreshët krejt

...

Pas shumë vitesh

Po më presin vëllezërit e mi

Me të madhe besë

Dhe me përkushtim

Do të flasim vetëm për dashuri

Garlate (Lecco), 22 tetor 2010

PREKEMI

Kur dëgjojmë për vështirësi

E sidomos për tragjedi

Në stinën e tyre

Ne prekemi

Dhe ndjehemi keq

Por s’mund t’u ndihmojmë

Garlate (Lecco), 22 tetor 2010

KONFORM VENDIMIT

Ne jemi të gatshëm

Që në çdo çast

T’i shërbejmë dashurisë

Dhe vetëm dashurisë

Përpara!

Garlate (Lecco), 22 tetor 201

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30