Në LDK nuk ka aderuar asnjë anëtar i LDD-së

nga **Agim Gashi** Tue Nov 09, 2010 7:26 pm

Në LDK nuk ka aderuar asnjë anëtar i LDD-së

Reagim i Degës së LDD në Gjermani

Në faqen diaspora të shtunën e kaluar më 6 nëntor 2O1O, në kombëtaren “Bota Sot”, në mes tjerash, e lexuam edhe një shkrim të komisionit për informim të Degës së LDK-së në Gjermani, me titull “LDK kthehen 21 anëtarë të Kryesisë dhe delegatë të LDD-së në Gjermani”, gjë që e zgjoi kërshërinë tonë për ta lexuar deri në fund dhe kështu për ta kuptuar më hollësisht se çka paska ndodhur në të vërtetë me këtë shifër figurash të larta të LDD-së, që paskan kaluar në degën e LDK-së, e që ne nuk po e ditkemi. Dhe krejt në fund, pas dy herë leximi dhe një përqendrimi të shtuar, sepse kishim të bënim me një tekst vërtetë konfuz në vetvete, menzi arritëm të kuptojmë dhe njëherit të konstatojmë se me shifrën prej 21 anëtarëve të kryesisë së Degës së LDD-së dhe delegatë të tjerë, që paskan kaluar në LDK, është manipuluar dhe po manipulohet në vazhdimësi prej datës 5 maj 2O1O, ditë kjo kur me një vendim të Kryesisë Qendrore të LDD-së, këta të apostrofuar janë përjashtuar nga LDD-ja dhe kështu janë lënë të lirë të vendosin vetë për ardhmërinë e tyre politike; të vetëdijshëm se dega e LDK-së në Gjermani ka nevojë për këtë kontigjentë anëtarësh të devotshëm; derisa ne mund t’ju themi vetëm hajrin ua pafshi, thotë një fjalë popullore, ngase për LDD-në që nga data 5 maj 2O1O këta individë janë inekzistentë, apo figura që tashmë i takojnë shoqatës së pensionistëve.

Nga komisioni për informim i Degës së LDD në Gjermani

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30