Shënohet 7 Marsi – Dita e mësuesit

nga **Agim Gashi** Sat Mar 07, 2009 12:11 am

Shënohet 7 Marsi – Dita e mësuesit

Me aktivitete të ndryshme kulturore në vendin tonë ka filluar të festohet 7 Marsi - Dita e Mësuesit. Edhe pse gjendja jo e mirë materiale i preokupon mësimdhënësit në vendin tonë, ata gjejnë vullnet që të jenë të përkushtuar për shkollimin e gjeneratave të ardhshme. Sot ata kanë lënë mënjanë hallet dhe brengat e ditës, për të sjellë në kujtesë vetëm momentet më të bukura për kohën që kaluan në arsimimin e gjeneratave.

Me këtë rast, Fakulteti i Edukimit organizoi sot një ceremoni rasti për të përkujtuar këtë festë me ç’rast mësuesit morën dhurata, përqafime e buzëqeshje nga nxënësit, ndërsa lëvdata nga drejtuesit e institucioneve.

Prodekanja e Fakultetit të Edukimit, Eda Vula, thotë se në këtë ditë, i kujtojmë me shumë dashuri të gjithë mësuesit tonë të parë, mësimet e të cilëve ishin udhërrëfyes yni për të ardhmen.

“Me shumë respekt suksesin tonë në jetë ua dedikojmë mësuesve tanë. Ndërsa për Fakultetin e Edukimit kjo festë do të thotë edhe më shumë sepse janë pikërisht këta studentë që nesër do të falin nga vetja dashurinë për fëmijët dhe do të dhe do të drejtojnë ardhmërinë e tyre ashtu siç bënë mësuesit tanë”, thotë prodekanja Vula.

Këtë vit festa e mësuesit po festohet në gjithë Kosovën me urimin që gjendja materiale e mësimdhënësve në arsimin kosovar të përmirësohet.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30