Tragjedia:Nëna nuk kishte gjetur mbështetje as nga pushteti lokal e as nga policia

nga **Agim Gashi** Sat Nov 13, 2010 1:18 am

Tragjedia:Nëna nuk kishte gjetur mbështetje as nga pushteti lokal e as nga policia

Postuar nga Albnow më 12 - 11 - 2010

Tragjedia:Nëna nuk kishte gjetur mbështetje as nga pushteti lokal e as nga policia Femijet-288x168

Ngjarja tragjike që ndodhi dy ditë më parë në Sukth,ku gjetën vdekjen nga asfiksia katër fëmijë,ka qenë tragjike edhe më parë për nënën e katër engjëjve që u shuan si qiriu që ra dhe dogji televizorin dhe që shkaktoi helmin.

Ngjarja ndodhi dy ditë më parë në orët e mesnatës.Nëna e katër fëmijëve Zana Xheka punonte në një lokal për të ushqyer dhe rritur katër engjëjt e saj që ia la bashkëshorti i saj dhunues.

Zana u nis nga shtëpia në orën 19.30 dhe u kthye në shtëpi rreth orës 02.30 pas mesnate.Hapi derën që të hynte brenda dhe kur hyri u përballë me pamjen më të keqe të jetës.

Katër engjëjt e saj kishin gjetur vdekjen nga asfiksia.Sipas policisë,një qiri që kishin ndezur fëmijët për të ndriçuar,kishte rënë dhe kishte djegur televizorin,i cili krijoi një gaz helmues dhe patëm rezultatin tragjik.

Babai i fëmijëve ishte divorcuar me bashkëshorten ,pasi sipas saj ai e dhunonte vazhdimisht.

Nëna fatkeqe,që e kaloi jetën e saj martesore në hidhërim,nuk ishte e qetë as kur po përcillte engjëjt e saj në banesën e fundit.

Ajo nuk ishte dakort që fëmijët të varroseshin në Tapizë,ndërsa thekson se në varrim e shoqëroi policia ,pasi familja e bashkëshortit nuk e lejonte që kjo të ishte e pranishme aty,madje varrimin e bëri xhaxhai i tyre.

Është në të vërtetë e çuditëshme se si disa njerëz mund të ndalojnë nënën të shkojë tek varri i fëmijëve,kur ajo nënë i ka patur nën kujdes dhe është tepër injorant fakti se ata që nuk e lejonin ,kanë qenë familjarët e bashkëshortit të saj dhunues.

Me pak fjalë,në vend që ata ta mbanin afër,tentonin ta largonin nga varrimi!!!.

Historia tragjike nuk e ka fundin tek familja e bashkëshortit të fatkeqes Zana,historia e saj vazhdon me një denoncim shokues ndaj pushtetit lokal dhe policisë,të cilët sipas saj nuk e kanë ndihmuar.

Nëna fatkeqe ka thënë se ka kërkuar ndihmë sociale dhe askush nuk i ka dhënë ndihmë.Mendoni tani se si mund të mos i jepet ndihmë një nëne ,me katër fëmijë të vegjël ,të moshave 13,11,9 dhe 6 vjeç.Kjo mund të ndodhi vetëm në Shqipëri dhe askund tjetër,ndoshta mund të ndodhi edhe në Afrikë ku ka filluar sëmundja e kolerës.

Nëse kjo nënë ishte emigrante në një vend,kudo që të ishte,qoftë edhe në vendin më të korruptuar të Eurozonës që është Greqia,kjo nënë do mund të jetonte vetëm me ndihmat sociale që jep shteti për nënat me shumë fëmijë,ndërsa në rastin konkret do të fitonte akoma më shumë nga fakti se po i rriste vetëm.

Ky rast kaq tronditës,është mesazh për pushtetin lokal,për policinë dhe për qeverinë që nuk mendojnë se njerëzit po vrasin veten nga varfëria,po digjen nëpër shtëpia dhe po jetojnë në kushhte skandaloze.

Sonte sërish nuk duhet të festonte Shqipëria për liberalizimin e vizave,sot duhet të ishte ditë zie për ata vogëlushë që nuk mundën të shikojnë mirë librat e shkollës,që nuk iu qeshte buza dhe që po rriteshin në mjerim dhe varfëri.
Lexoni gjithashtu: Tragjedi/ Katër fëmijë nga një familje gjetën vdekjen nga asfiksia!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30