Kujtim Stojku:Errësira e pushtetit

nga **Agim Gashi** Thu Nov 18, 2010 3:02 pm

Kujtim Stojku:Errësira e pushtetit

Piramida e pushtetit të pushtetit njerzor
Që nga fundi e deri në majë
Ka edhe injorantë e karrieristë
Që errësirën e pushtetit mbajnë.

Sa herë përballesh me të tillë errësira
Ku për hir të tij duan t’kryqëzojnë si Krishtin
Ku per te fituar pushtetin e kolltukut
E arritën si qeni duke tundur bishtin.

Sa herë ata nga goja helm nxjerrin
Dhe mashtrojnë me pushtetin e zyrtarit
Duke të treguar plot tmerr portat e ferrit
Dhe si ti do të digjesh nga flakët e zjarrit.

Dhe unë ikja nga ju sikur i largohesha djallit
Duke e mbajtur zemrimin deri në fund
Flakët e ferrit po i shihja për së gjalli
Pse duhet ta hiqja nga ju gjithë këtë mund.

Por ju surret lugetër mua popullit nuk ma njihni
Mendimin dhe tingëllimin e shpirtit në thellësi
S’ma keni dëgjuar zërin meledioz dhe në vaj
Harroni se historinë unë jam ai që me gjak e laj.

Unë këndoj me zoqtë dhe homazhe bëj n’varreza
Mundohem t’ eci me hapin e kohës, por nga ju mbetem pas
Tej për tej mundohem ta përshkoj galaktikën
Gjithçka mbi tokë e krijuar, me djersë e kam larë.

Dhe duke më parë kështu t’ robtuar prej mundimit
Ku kurrizin e kam gjithë varrë dhe plagë
Ju qeshni dhe talleni në kulmin e gëzimit
Dhe thoni, s’ecet përpara me kët’ popull injorant.

Unë jam i urtë dhe i duroj poshtrimet tuaja
Rënkoj brenda vetes kur m’plagosni n’shpirt
Si barrë e rëndë m’rëndojnë veprimet tuaja
E që të lehtësohem më duhet vetëm një shkëndi.

Për ju çdo gjë në kët’botë është e ligjshme
Por unë jam si Prometeu që vodhi zjarin e perëndive
Unë jam shkëndija prometiane që ndriçoi errësirën
Jam ai që luftoj t’këqijat, dhe plot hare sjell të mirën

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30