Edhe të vdekurit në listat e votuesve

nga **Agim Gashi** Fri Nov 19, 2010 1:49 pm

Edhe të vdekurit në listat e votuesve

Procedurat e raportimit për të vdekurin kërkojnë pagesën prej 20 eurosh për t’u siguruar se emri i familjarit të tyre është hequr.

Edhe të vdekurit “ftohen” të “votojnë”. Ndër ta është edhe ish- presidenti, tashmë i ndjerë, Ibrahim Rugova. Emri i tij figuron në listën e votuesve.
Në listën zgjedhore të Komisionit Qendror të Zgjedhjeve (KQZ), e cila u hoq nga faqja zyrtare e internetit, ishte shfaqur një person me emrin Ibrahim Rugova, i cili vdiq në vitin 2006. Të dhënat personale të personit me të njëjtin emër në listat zgjedhore janë të njëjta me ato të presidentit të ndjerë.
Në listën e votuesve ende figurojnë edhe artisti i ndjerë Muharrem Qena, Ipeshkvi Imzot Mark Sopi dhe basketbollisti Valon Begolli.
Zyrtarë të KQZ-së janë ankuar se mosraportimi në komuna për vdekjen e familjarëve vazhdon të mbetet problem. Listat mund të freskohen nga 22 deri më 26 nëntor. Emri i Ibrahim Rugovës nuk kishte figuruar për zgjedhjet e nëntorit të 2009-ës. Por, ai ka qenë i pranishëm në lista për zgjedhjet e vitit 2007.
Procedurat e raportimit për të vdekurin kërkojnë pagesën prej 20 eurosh për t’u siguruar se emri i familjarit të tyre është hequr.
Deri tani KQZ-ja nuk ka ofruar asnjë shpjegim pse emri i presidentit të parë, i vdekur rreth 4 vjet më parë, ndodhet në listë si votues potencial.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30