Votoni për Hafiz Gagicën me numër 100 në listën e LDK-së!

nga **Agim Gashi** Wed Nov 24, 2010 3:38 am

Të votohet ai që i del zot Mërgatës, ai që ia kthen dinjitetin dhe nderin e merituar LDK-së në Proceset reformuese! Vota për Hafiz Gagicën, justifikim demokratik i Vlerave Rugovjane dhe angazhimit për mirëqënje njerëzore e kombëtare!

Votoni për Hafiz Gagicën me numër 100 në listën e LDK-së!

Sot, voten elektoratit po ia kërkojnë shumë individë dhe personalitete, për mandatin e Deputetit të Legjislativit të Republikës së Kosovës. Dhe, është e mirë kjo, ngase krijon një konkurencë e cila shpresojmë të jetë e mirëfilltë dhe kualitative nga e gjithë kjo mori (kuantitet) konkurues! Gjatë gjithë kësaj "rrëmuje", natyrisht se më e dëmtuara dhe anashkaluara po mbetet Mërgata sublime! Megjithatë, sivjet në këto parapërgaditje zgjedhore, ka një lëvizje të vogël pozitive, por, më shumë apo kryesisht me trysninë dhe imponimin e vetë Mërgatës dhe kandidatëve të saj. Në këtë konteks edhe Mërgata kërkon përfaqësim. Dhe, dolën disa kandidatura nga vetë ajo, kush më shumë e kush më pak të koordinuara me bazën deleguese.

Edhe ne si LD Gjermani, gjegjësisht Kryesia e saj dhe veprimtarë të dalluar në disa konsultime tonat të përbashkëta në Stuttgart dhe qëndra tjera, dolem me qëndrimin tonë që të përkrahet Kandidatura e z. Hafiz Gagica për Deputet. Fundja, kush ia njeh më mirë se ai problemet dhe vështirësitë e nevojat mërgatës, të cilës i priu më gjatë se dy dekada?! Jemi të vetëdijshëm se vota të pakta do shkojnë nga Mërgata, dhe kjo për shkak të marifetllëqeve dhe masave byrokratike në anashkalimin dhe disfavorizimin e qëllimshëm! Në njëren anë për Minoritetet që të gjitha bashkë nuk e kalojnë shifren totale të 200 mijëshit, rezervohen 20 vendeplus votat reale të tyre (asgjë kundër tyre por kundër diskriminimit tonë), e nga ana tjetër për mërgatën trefish më numerike nuk ipen as mundësitë minimale për votim.

A nuk është ky nënçmim dhe diskriminim?!

Shih për këtë ne kësaj radhe kemi menduar të iu drejtohemi familjeve tona për të na dhënë voten neve, bijave dhe bijve të tyre mërgimtarë!

Pse?
Sepse:

Unë do mundohem ta arsyetoj nga shembulli im vetanak si përshkrim real të situatës. Si mërgimtar i fundviteve 80-ta, më vonë edhe vëllau, kemi mbajtur Familjen (të mos bëhej barrë për Shtetin tonë në krijim), kemi ndihmuar Kombin dhe Çështjen Kombëtare ashtu si ditem e mundëm. Pas përfundimit të Luftës, vëllau ynë si ish Luftëtar i Lirisë (UÇK-së) mbeti rrugëve pa kurrfarë benificioni, sepse të gjitha ishin grabitur nga profiterëte Luftës. Atë dhe Familjen, sërish isha unë dhe vëllau që e mbanim dhe mbajmë. Në disa palë Zgjedhje, ai voten e vet dhe Familja ua dhanë atyre që për ta apsolut asgjë nuk bënë, mbushen gjepat e vet dhe për Mërgatën as që bëhej fjalë për ndonjë falënderim apo benifit!

I dashuri vëllau im dhe të dashur familjar të mij (edhe të mërgimtarëve tjerë, natyrisht): sot po ju drejtohem drejtpërdrejtë në kërkim të votës suaj, në mënyrë krejt të sinçertë dhe pa kurrfarë shantazhi apo ndërhyrjeje, dhe atë për bijtë tuaj mërgimtar, ata që po ju mbajnë dhe kujdesen për juve e jo për ata që ju plaqkisin, vjedhin dhe shesin për 5 para. Shkurt, ne kemi të drejtën legjitime dhe morale të kërkojmë voten tuaj, edhe si pjesë e juaja, ndërsa vota juaj për neve do ishte një falënderim, mirënjohje dhe respekt e nderim për punën tonë, e mbi të gjitha dëshmi e dashurisë vëllëzërore për të mos e humbur mbi 1/4-tën e Popullsisë rrugëve të botës, sepse ata janë Shqiptarë të Kosovës njësoj si ju në Atdhe!

Nuk mund të kujdesen të tjerë për Mërgatën më mirë se vetë përfaqësuesit e saj, ata që ia njohin çdo të rrahur zemre. Nuk mund të emrohen më njerëz si përfaqsues të Mërgatës zyrave, lokaleve dhe kafiterive, që nuk kanë asgjë të përbashkët me të. Në këtë konteks, ne nuk ofrojmë njerëz çfarëdo dhe dosido, por njerëz dhe personalitete të dëshmuara: kombëtarisht, politikisht, diplomatiko-atdhetarisht, me kulturë, dije, vullnet dhe urti të trashëguara nga vetë Presidenti Historik Rugova, si njerëzit më të afërt të tij, që nga fillimi.

Apeli im për kërkim vote bëhet për z. Hafiz Gagica me Nr. 100 në Listën e LDK-së, si bashkëpunëtor i ngushtë i Presidentit Rugova dhe vëllëzërve Gërvalla e Kadri Zeka (e dokumentuar), njëri ndër themeluesit e vetë LDK-së në Mërgatë, të Zyres-Ambasadës së parë në Stuttgart, një mori Fondesh e nismash Kombëtare, nismëtari për "vetëmbrojtje" dhe dërgimit të kuadrove për stërvitje dhe blerjes së armatimit të parë, dhe shumë aktiviteteve tjera që nuk besoj se është dikush që nuk i din apo nuk ka dëgjuar për këtë mori aktivitetesh të z. Gagica.

Shkurt:

VOTONI PËR HAFIZ GAGICËN ME NUMËR 100 NË LISTEN ZGJEDHORE TË LDK-së, votë kjo për kthimin e nderit dhe identitetit të nëpërkëmbur të bijave dhe bijve tuaj mërgimtarë, të Mërgatës dhe vetë Institucioneve tona Shtetërore.

Ju falemnderit për mirënjohjen tuaj!
Mentor Thaqi - Gjermani

Votoni për Hafiz Gagicën me numër 100 në listën e LDK-së! 150044_125634214162554_122959527763356_155587_1758081_a

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30