Nehat Jahiu:GËZUAR 28 NËNTORI-NË VLORË TË GJITHË TË BASHKUAR

nga **Agim Gashi** Sat Nov 27, 2010 3:02 am

GËZUAR 28 NËNTORI

Nehat JAHIU
NË VLORË TË GJITHË TË BASHKUAR

Trung e degë do jemi në Vlorë bashkë
tek ti ,o atdhe i dashur e shumë i lashtë,
aty do jenë edhe Zana e Guri
sëbashku me shkabën aty tek flamuri.

Seç do i shkëlqejë Gurit në kokë plisi si dëbora
gjithë shqiptarët sëbashku do i tubojë Vlora,
Zana do të vishet me të bardhën këmishë
me kobure në brez do i pres Baca Isë.

Në shesh të Vlorës do të jenë edhe Zana e Guri
lart në qiell do të valvitet shkaba tek flamuri,
me flamuj kuq e zi do të mbushet Vlora
gjithë shqiptarët bashkë nga trojet tona .

Fluturim si shqiponja në Vlorë do të vijë nga Prekazi
jam i gjallë ,o vëllezër unë Adem Jashari,
do të mbushet Vlora plot e përplot me gra e burra
edhe Gjergji do të vijë në Vlorë nga Kruja.

Do të del me flamur në dorë plaku mjekërrbardhë
motra e vëllezër mirëse na keni ardhur në Vlorë,
mirëse keni ardhë edhe ti Zana e ti Guri nga Molla e Kuqe
gjithë sëbashku ty Zana atje një ditë do të bëjmë nuse.

Me armë ngjeshur në brez edhe atje do të vij nga Prekazi
për ta hequr nga koka duvakun Zana ty Adem Jashari,
plaku i Vlorës Ismail Qemali edhe atje do ta ngris flamurin
e ti Zana do e bësh dasmën me krushqi aty sëbashku me Gurin.

Kur të shoh ty nuse Zanë e dhëndërr Gurin
lotët nga sytë do i pikojnë bacës Isë duke puthë flamurin,
eh, Zana sa e bukur ti do bëhesh atë ditë aty nuse
e Guri do ti përkëdhelë flokët mu aty te Molla e Kuqe.

_____________
Zgjodhi per Sofren H.M.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30