Ukë Rugova:Le të bashkohemi edhe njëherë rreth platformës politike rugoviane

nga **Agim Gashi** Sat Nov 27, 2010 6:42 pm

Ukë Rugova:Le të bashkohemi edhe njëherë rreth platformës politike rugoviane

Biseduan Bajrush Morina e Lirie Hajdari
Ekskluzive: Për 28 Nëntor, flet për “Bota sot” Ukë Rugova

Në një intervistë që do të botohet ekskluzivisht për numrin e 28 Nëntorit, Ukë Rugova djali i presidentit Ibrahim Rugova, i pyetur se cili ka qenë qëllimi i tij që ka hyrë në politikë është përgjigjur: U.Rugova: Motivet pse kam hyrë në politikë janë ato që edhe i kam përmendur me herët, forcimi i LDK-së, asgjë tjetër. Forcimi i LDK në kuptimin se me një LDK të fortë është edhe Kosova e fortë. E kam parë gjendjen në të cilën ka qenë LDK-ja dhe të gjithë njerëzit e dinë se në çfarë gjendje ka qenë, LDK e ndarë që nga viti 2006, prej kalimit në amshim të presidentit Rugova e pastaj që nga Kuvendi i VI kur ndodhën ato ndarjet.
Në ndërkohë ka qenë preokupim i gjithë qytetarëve të Kosovës dhe një presion që është bërë ndaj meje dhe familjes që të ndërmarrim ndonjë hap për forcimin e LDK-së. Në fakt ishte procesi i shtet formimin dhe shtet ndërtimit të Kosovës, që neve na ka bërë që të rrimë anash këtyre interesave partiake. Edhe nëse e kemi parë se po ka ngecje në LDK nuk kemi dashur ta bëjmë të madhe këtë punë, sepse ka qenë qëllimi i ndërtimit të shtetit. Tash pas vendimit të GJND-së dhe pas vendimit për shpalljen e zgjedhjeve brenda LDK-së e kam parë të arsyeshme që të hyjë dhe të kontribuoj në forcimin dhe bashkimin e LDK-së. Qëllimi im ka qenë që në vitin 2011, ashtu siç ka qenë e planifikuar që në këtë kohë të mbahen zgjedhjet nacionale, që të hyje në LDK, të kontribuoj në afrimin e njerëzve, të bëjmë ndonjë koalicion parazgjedhor me LDD apo edhe me AKR eventualisht, parti këto që kanë elektoratin rugovian dhe të LDK-së. Nuk kam pasur ndonjë ambicie apo interes për ndonjë post, ka qenë ky i vetmi qëllim.
Më gjerësisht këtë intervistë mund ta lexoni në numrin e 28 Nëntorit në gazetën kombëtare “Bota sot”

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30