Mentor Thaqi URON:NË VAZHDËN E KREMTES SË MADHE, NDERIM EDHE PËR QYTETET-KËSHTJELLA TË GJALLA KOMBËTARE! - Vargje nderimi në Ditë gëzimi-

nga **Agim Gashi** Sun Nov 28, 2010 4:24 am

Mentor Thaqi

NË VAZHDËN E KREMTES SË MADHE, NDERIM EDHE PËR QYTETET-KËSHTJELLA TË GJALLA KOMBËTARE! - Vargje nderimi në Ditë gëzimi-

GËZUAR DITËN E PAVARËSISË DHE FLAMURIT KOMBËTAR!

QYTETI I GURTË, MUZE!

N´atë qytet të gurtë,

kërkoj Kostantinin,

në Legjendë të urtë,

gjeta Doruntinën,

po dikush më tha,

ishte Argjiroja,

mos ishte Dodona,

apo ishte Troja?!

Ky qytet kështjellë,

kjo kala e gurtë,

në shpirtë, thellë ka mbjellë,

këshillë jetës, të urtë,

dhe lën porosi,

po po, n´përjetësi,

k´tu kem rrënjët tona,

heret e tevona!

Dhe, kur po kërkoja,

unë Rrapo Hekalin,

për kënaqësi takova,

bashkë me Ismailin,

gjeta Arianitin,

dhe nuse Donikën,

Skënderbeu i priti,

bukur, siç e pritën!

Ah, Qytet Muze,

një Mrekulli Bote,

deri n´Myzeqe,

shtrihet Hija jote,

nga Shkëmbi Kala,

Shkëmb e ke Qëndresën,

e Dyta Llogara,

s´e duron harresën!

Aty krenarinë,

kam dhe Historinë,

aty n´atë Qafë Mali,

Kështjellë, Festivali,

aty buqet kënga,

e bukur si jeta,

aty, thonë dhe Hëna,

krehë flokët e veta!

Aty, fjalë e burrit,

buqet si Martina,

dhe, Shqipja n´palcë t´gurit,

shkrepë si vetëtima!

Gjirokastra ime,

e dashura Argjiro,

për jetën Sublime,

këndo, mos pusho!

Mentor Thaqi VS., 26.11.2010

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31