JO dhe JO më me PDK-në

nga **Agim Gashi** Tue Nov 30, 2010 1:17 am

JO dhe JO më me PDK-në

Arta Beqiri
Intervistë me Lutfi Hazirin, anëtar i kryesisë së LDK-së
JO dhe JO më me PDK-në Lutfi_Haziri

“Bota sot”: Tani LDK-ja ka një lider të ri, sa po e ndryshon imazhin e partisë z. Mustafa dhe ç’fat do të sjell në këto zgjedhje?
Haziri: Nga zgjedhjet e fundit lokale ne Prishtinë kryetari Isa Mustafa është identifikuar si i figurë e suksesit dhe ashpërsia në konkurrencën e brendshme në procesin zgjedhor të LDK-së, për pozitën e liderit e solli këtë si figurë e unifikimit edhe e sigurisë për LDK-në për votuesit rugovian në tërësi dhe shpresoj shumë, që do të arrijë ta udhëheq LDK-në në këtë proces zgjedhor, dhe në këtë hap të madh që Kosova ka nevojë për një lider, i cili Kosovës i jep impakt ekonomik zhvillimor. Si ekonomist ka lënë gjurmët e veta në zhvillimin e Prishtinës dhe në zhvillimin e politikave për vendin tonë si ish ministër i ekonomisë dhe financave, dhe natyrisht besojmë që vizioni evropian i Kosovës nën udhëheqjen e tij dhe të LDK-së do të jetë siguria e vetme e Kosovës për një proces të but, të shpejt dhe të sigurt drejtë BE-së.
“Bota sot”: Ju jeni kryetar i degës së Gjilanit, në të cilën pat mosmarrëveshjes pas përfundimit të zgjedhjeve partiake, të cilat çuan në largimin e një grupi. Sa do të ndikoj kjo në votime dhe a ndjeheni i rrezikuar pasi kryetari Mustafa, ka deklaruar se postet partiake do të gëzohen varësisht nga performancat në zgjedhje?
Haziri: Unë jam në mandatin e parë të kryetarit të degës së LDK-së në Gjilan, sepse në kuvend të jashtëzakonshëm kamë marrë degën e LDK-së në një krizë jashtëzakonisht shumë të madhe, zgjedhjet e 4 nëntorit e kanë unifikuar LDK-në. Nga LDK-ja në Gjilan asnjë grup dhe asnjë individ nuk ka dalur, nëse i kemi parasysh edhe deklaratat e Fatmir Rexhepit, ai nuk ka tërhequr asnjë grup dhe asnjë individ dhe asnjë strukturë të LDK-së, por ai vetëm ka shprehur pakënaqësitë e tij në raport me vendimin e kryetarit Isa Mustafa për zgjedhjen e kryesisë së LDK-së. Ai mbetet autoritet i LDK-së dhe është emër i respektuar dhe besoj që shumë shpejt do t’i kthehet LDK-së me një angazhim më dinamik këto ditë, sepse në Gjilan nuk ka asnjë tendencë tjetër. Përkundër kësaj Gjilani në zgjedhjet e fundit ka një rritje dhe besojmë që në këto zgjedhje do të ketë një rritje edhe më të madhe dhe po punojmë gradualisht që të kthehet elektorati mbrapa dhe të kthehet në shtëpinë e vet. Jemi duke u angazhuar maksimalisht që të gjitha pakënaqësitë, të gjithë ata të cilët e kanë humbur besimin qoftë në raport me LDD-në, qoftë me grupe tjera ta kthejnë besimin në LDK dhe të votojnë për LDK-në kësaj radhe.
“Bota sot”: Me cilat parti apo grupime do të mund të hynit në koalicion qeverisës, nëse bëheni partia e parë apo qoftë edhe duke u bërë koalicioni më i madh paszgjedhor?
Haziri: Ne nuk kemi dyshim që do të dalim partia e parë kësaj here, dhe po punojmë shumë që kjo fitore të jetë e sigurt dhe të jetë e madhe ose të jetë e atij raporti që kemi pasur në komunën e Prishtinës herën e kaluar. Natyrisht që ne përveç se me PDK-në nuk është më asnjë interes dhe është në kundërshtim me interesat e Kosovës, që të bëhet një koalicion i tipit të madh, ndërsa me partitë tjera natyrisht që jemi të hapur dhe nuk kemi vendosur limite, kemi përmendur strategjikisht një partneritet me AAK-në në të ardhmen e afërt dhe si pjesë e një kulture të bashkëpunimit që kemi pasur më herët në vitin 2004-2007, dhe pas kësaj që ndodhi në qeverisjen 2008 deri tani është e qartë se Kosova ka nevojë për një opozitë të fuqishme dhe një udhëheqje në qeveri dhe një kryeministër, i cili di saktë se çfarë donë dhe merr përsipër përgjegjësitë e përmbushjes së programeve të qeverisë dhe jo të deklaratave. LDK-ja po punon për një program jashtëzakonisht serioz qeverisës dhe nëse të tjerët përputhen me këtë program, dhe nëse të tjerët janë të gatshëm të hyjnë në sfidën e madhe të qeverisjes, natyrisht që LDK-ja kur të vij koha do t’i qartësojë këto role, por ajo që është thënë me jo të mëdha, dhe JO është JO më me PDK-në.

“Bota sot”: Cila është oferta dhe programi i LDK-së për këto zgjedhje, dhe çfarë qasjesh të reja ka?
Haziri: Pjesa më e madhe e kandiduesve të LDK-së janë emra të rinj, autoritete të reja dhe janë profesionist nga më të mirët që ka Kosova. Ne do të dalim me një program zhvillimor, me politika sektoriale brenda atij programi, jashtëzakonisht të sakta, në përputhje me kërkesat dhe interesat e vendit, qoftë i sektorit të arsimit, shëndetësisë, sigurisë, institucionet e shtetit, gjykatat, prokuroritë dhe njerëzit e sektorit të kulturës, si dhe sportit dhe të gjitha politikat tona do të jenë të determinuar qartë për një program qeverisës të ndërtuara mbi bazë të kornizës afat mesme buxhetore, një buxhet të qëndrueshëm dhe një buxhet, i cili është garantues i implementimit të kësaj. Ne atë që e kemi identifikuar në qeverisjen deri tani është parë që nuk ka disiplinë buxhetore, ka shkelje të rregullave buxhetore, ka shumë premtime deklarative të pa mbuluara, ka shumë oferta që bëhen dhe janë bërë para tri viteve e që nuk janë realizuar. LDK-ja po dizajnon programin qeverisës zhvillimor, mundësi punësimi, mundësi të jetës më të mirë dhe do të rregulloj një numër të madh të sektorëve, të cilët edhe më tutje për shkak të qeverisjes së keqe për këto 3 vite ose janë deformuar shumë ose janë jashtëzakonisht keq.
“Bota sot”: A keni bërë ndonjë sondazh intern, dhe me çfarë pozite radhiteni aktualisht, me çfarë fuqie?
Haziri: Të gjitha sondazhet po na qesin jashtëzakonisht mirë, edhe pse zgjedhjet e LDK-së janë bërë shumë vonë, zgjedhjet tani sa kanë përfunduar dhe ne po vuaj për një kohë më të gjatë dhe një mundësi më të madhe kohore për të shpjeguar shumëçka që kemi, dhe për të debatuar për takimet e para në qendrën kryesore, takimet e interesit dhe takimet e grupmoshave të ndryshme dhe sondazhet përputhen me një lëvizje jashtëzakonisht të mirë të LDK-së, dhe ne besojmë që deri me 12 dhjetor ne do të dalim partia e parë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30