Poezi nga Hasan QYQALLA

nga **Agim Gashi** Wed Dec 01, 2010 12:47 am

Poezi nga Hasan QYQALLA
DRITËMEKËT
Nuk i drohem zjarrit, i djegur vet jam
As fortunës mesjetare, qe shkembinjte perlau
nuk drohem dot nga deti, një det lot derdhë kam
n'pol të globit dremit, prekja thellë ofshau!

Dhe yjet dritëmekët, ngjyrosën kuq dashurinë
të dashuruarit në bebzë, zënë yje, thajnë moçale
shtatë shekuj rrugëtim,s' arritëm dot largësinë
si rrathë purgatori, përdreq kjo botë ovale!

T’ RAFTË PIKA!
Kaloj bulevardit, n’ heshtje më ndjek frika
Alo, alo,... jam unë: “e dij, heu t’ raftë pika”!

Ç’ drithërimë vape, më djegë nga mesdita
Se të fola ëmbël, m’ uron “Ty t’ raftë pika”!

Një kafe të zezë me një gotë raki gëllita
Refren i njejtë më vie: “ah ty t’ raftë pika”!

Mendje vrarë treta, zik - zakeve përgjatë me blira
Pas më ndjek zëri : “pse ty s’t’ra pika”!?

Harrova netët esëll, më gjatë ishte dita
Bekoja dash’nin freskët “tok na raftë pika”!

FIJOJ
1.
Majë Himalajeve thepisur, ku Diellin ka afri
në djersë i tëri qullur, atje vonë kam mbrri.

Gjurmoja lule allin, pjalm, aromë qëndisur
të të mbajë premtimin, që ditën m' ke stisur!

Kujtoj takim rasti, ja që "rasti mbret i botës",
anekdotë urtake, "kush djallin fut mes gotës"!

Grisa kanunit fletët, mos m' prekë në sedër
suflerim në cep veshi, the "damar tët zemër"!

Tufë puthjesh mesnate, kur Hëna qesëndisë
si langore që ishe,në krahëror ç' më bezdisë!

2.
Grabit notesin sekret, dhuratë lule Himalajen
pa zënë fare siklet, ç' më shpërbleve ndarjen!

Herë më ngre lapidare, herë m' quan lapangjoz
konspirimin s' nxorre, për lutje,top as bajloz...!

m' kunjove si Krishtin, pamëshirë ngjeshë djallëzi
gjeth qarri më zure, të shkilem a digjem n' zjarrmi!

21.09.2010.

Solli:Agim Gashi-Drenica

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30