Rugova: Pas zgjedhjeve do t’i bashkohemi LDK-së

nga **Agim Gashi** Wed Dec 01, 2010 12:52 am

Rugova: Pas zgjedhjeve do t’i bashkohemi LDK-së

“Në qoftë se ata votojnë për listën tonë do t’ua bëjmë me dije se me politika përjashtuese nuk shkohet përpara. Pas zgjedhjeve të 12 dhjetorit do t’i bashkohemi LDK-së”, tha Rugova.

Prishtinë, 30 nëntor – Lista dr.Ibrahim Rugova pas zgjedhjeve do t’i bashkohet LDK-së, ka bërë të ditur drejtuesi i listës, Ukë Rugova djali i presidentit të ndjerë Ibrahim Rugova.
Në një ceremoni të mbajtur në Velani, Ukë Rugova u ka sqaruara të rinjve të listës “Dr.Ibrahim Rugova” arsyet e krijimit të listës, e cila sipas tij, detyrimisht është dashur të formohet. Rugova tha se koalicionin si listë e ka bërë me AAK-në. “Siç e dini muaj më parë së bashku me Bujar Bukoshin, Astrit Haraqinë e shumë miq të tjerë, nën presionin që kemi pasur prej elektoratit të LDK-së, i cili ka qenë i zhgënjyer me zhvillimet që shkonim me partinë.

Ne kishim për qëllim që të shkonim në atë parti, të angazhohemi për të filluar disa procese të ndryshimeve dhe reformave të mirëfillta brenda LDK-së. Por, për fat të keq jemi dëshmitar të ngjarjeve dhe zhvillimeve, që ndodhën me qëllim që të ngulfatet procesi zgjedhor brenda LDK-së, u nxit mbajtja e zgjedhjeve të parakohshme, e më pas mbajtja e zgjedhjeve të jashtëzakonshme që në një formë ndikoi edhe brenda LDK-së. U mbajt kuvendi i LDK-së dhe u zgjodh kryetari i ri, por në realitet kryesia mbeti ajo e vjetra dhe nuk ishin ndryshimet që i priste elektorati i LDK-së”, u shpreh Rugova. Ai tha se listës i mbetet që të vazhdojë hapat që i ka filluar presidenti Rugova, që pas bërjes së shtetit të Kosovës të vazhdohet integrimi i Kosovës në NATO dhe BE dhe duke i fuqizuar lidhjet me SHBA-të. “Më shumë kanë frymë rugoviane partitë tjera se sa vetë LDK-ja. Pas zgjedhjeve do t’i ofrohemi LDK-së dhe do të bisedojmë me ta. Le ta shohin edhe ata gatishmërinë e elektoratit dhe pas asaj gatishmërie le të shohin edhe ata se çfarë kanë humbur dhe të bëhen zgjedhjet e reja në LDK”, u shpreh Rugova. Ai tha se janë pjesë e LDK-së, “por janë krijuar rrethanat që të gjejmë zgjidhje”. / Florentina Shala

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30