Ardi Omeri:SHAH ME PARAMENDIM...!

nga **Agim Gashi** Wed Dec 01, 2010 2:05 am

Ardi Omeri:SHAH ME PARAMENDIM...!

Batakçinjtë kanë filluar të lëvizin...
Politikanët bëjnë hesapet e vjetra...
...hapin të rejat...!!!
Gazetarët e vjetër e të rinj
në "luftë" kapësish e ikësish...!
Gazeta me shumicë e pamflete me bollëk......
Parajsa e premtuar, në horizont të padukshëm...
Populli rri si guak e pret
as vetë s'di çfarë në të tijin fukarallëk...!!!
Diku atje larg dhe afër sa as vetë se kupton
Një biçim letraxhiu shkruan si në mesjetë...
Kërcet dhëmbët që si ka...
Kreh flokët e rënë
në të pa filluar vrapim stafetë...!
Tru i pa kërkuar e në pazar i pa qenë...
Letraxhiu gazetar pa gazetë
Kërkon shtroje të lyera llustrash
Punësim të begatë në trasfertë...!!!

Në horizont bejtexhinj popullorë
Pa popull në krah...!!!
Qyfyrexhinj e qylaxhinj
që mprehin xhepat...
Shohin nga po fryn erë më e ngrohtë...!
Të vjetër që shohin "bastexhinj" të rinj
Lojtarë me marioneta mprehur
me lugë të madhe sa një gojë...
Hapur në të katër anët
që shiten për një biskotë...!

Popull që as vit të vjetër nuk pati si të gëzojë
Të riun s'di si do ti vijë e çfarë e pret më tej...
Popull i mbërthyer në ekrane
Në copa letrash të shkruara
që për dikë tjetër kanë vlerë...
Popull që kurrë nuk dijti
Nuk di e nuk do të dijë
si do ti shkojë fati i vete
Unë në mes të tij, pjesë e tij
Shoh, shohim batakçinjtë e vjetër
Të lindurit e rinj e të ardhurit e tjerë ...!

Kështu e shoh tani këtë ajër
Ku rri e thith dhe une gjoja oksigjen...
Kështu e ndjej, kaptoj...
Unë, timen, tuajën tokë.
Shpesh me duket se jemi jo vetëm të pafat
Por më shumë jemi pak tru tharë e pa kokë...!!!

Ardi Omeri
30.11.2010 21.39

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30