Daci nga vendlindja e Rugovës nisi fushatën

nga **Agim Gashi** Thu Dec 02, 2010 3:31 am

Daci nga vendlindja e Rugovës nisi fushatën

Kryetari i Lidhjes Demokratike të Dardanisë, akademik Nexhat Daci ka thënë sot në Cërcë të komunës së Istogut se ky fshat ka dhënë njeriun më të madhe të shqiptarëve në kohërat e reja, presidentin e historik, Ibrahim Rugovën.
Në tubimin e parë parazgjedhor me të cilin është hapur fushata e LDD, për zgjedhjet parlamentare të 12. dhjetorit akademik Nexhat Daci tha se nuk e rastësishme.
“LDD e ka konceptuar që të niset nga një vend historik qe ka pas një vizion dhe një domethënie jashtëzakonisht të madhe sepse në kohën kur pos komunizmit të egër në Evropën juglindore nuk kishte asnjë koncept dhe asnjë ide për lirinë. pavarësinë dhe qetësinë e qytetarit atëherë u fillua ajo që më vonë, me 20 vite diplomaci dhe me luftën çlirimtare në krye me UÇK Kosova filloi të radhitet në rendin e vendeve të lira në Evropë, në rendin e popujve të qytetëruar”, ka thënë Daci.
Duke parashtruar pyetjen se a u realizuan të gjitha që i kishte konceptuar presidenti Rugova, akademik Daci u përgjigj se një pjesë e saj ka mbet ende ëndrra.
“Përderisa ekzistojnë ëndrrat ekziston edhe vullneti për pune dhe ne jemi te bindur qe me 12 dhjetor qytetaret ne Kosove do te din ti vlerësojnë te gjitha te arriturat dhe me shume ti vlerësojnë ato qe ishin premtuar dhe asgjë nuk u arrit. Ne kemi zgjedhur një moto shume praktike e ajo është Ndrysho Kosovën me LDD unë do t’ia shtoja me Dacin dhe mediet, sepse mediet janë arma me e fuqishme kundër keqqeverisjes”, tha Daci.
“Mediet kanë krye detyrën e tyre edhe në kohe të okupimit e tani kërkohet me tepër se kurrë që të ofrohet një perspektiv qytetare, një perspektiv evropiane me LDD në qeverisje, në mënyrë që të ndalet e gjithë e keqja që këto tri vite në pavarësi e uli në pjesën më të ulët të mundshme të botës autoritetin e Kosovës”, tha me këtë rast lideri i LDD-së, Nexhat Daci.
“Ishim populli më optimist në botë dhe tani nuk jemi më. Kosova ishte emri i admiruar në Nju Jork, në Uashington në Londër, në Paris në Bruksel, në Berlin e tani prej të gjitha këtyre vendeve vijnë vetëm kritika dhe vijmë vetëm njollosje për ne, për Kosovën dhe duke e respektuar vetveten me 12 dhjetor do ti them mjaft korrupsionit, shpëlarjes se parëse, trafikimit të qenieve njerëzore, krimit dhe kriminalitetit ne Kosove. Mbi të gjitha është moment historik dhe detyre parësore e kombëtare që Kosova te filloj t’i kontrolloj kufijtë e vete, ta zbatoj kushtetutën dhe ligjshmërinë, sepse ky është kushti elementar për tu ike nga getoja qe jemi futur”, tha Daci .
Nënkryetari i LDD-së, Naser Rugova tha se hapja e fushatës në Cërcë është me tepër se simbolik, është me tepër se himni dardan “Kur ka ra kushtrimi në Kosovë”.

“Në këto tri vite të pavarësisë qeverisja aktuale humbi dinjiteti, shteti, tradicionalja dhe nacionalja. Kemi filluar sot këtu që t’i themi jo keqqeverisjes t’i themi jo këtij abuzimi me shtetin dhe t’i themi stop njëherë e përgjithmonë keqtrajtimit të qytetarëve të Republikës se Kosovës. Duhet votuar për LDD sepse është parti e nacionales, tradicionales, e besës dhe e shpresës .LDD nuk premton LDD punon, LDD nuk jep premtime astronomike por garanton”, tha nënkryetari Rugova .
Kryetari i Degës së LDD-së në Istog, Rifat Osmanaj tha se vetë fakti që gjendemi në vendlindjen e presidentit historik, Gandit të Ballkanit dr.Ibrahim Rugova, tregon se LDD krye me akademik Nexhat Dacin vazhdon me këmbëngulësi të kultivoje filozofinë politike rugoviane.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30