DV: Disa parti po shkelin Kodin e Mirësjelljes

nga **Agim Gashi** Sun Dec 05, 2010 5:13 pm

DV: Disa parti po shkelin Kodin e Mirësjelljes

“Demokracia në Veprim” (DV) ka bërë publikimin e disa të dhënave që kanë të bëjnë me veprimet apo aktivitetet e subjekteve politike, që vlerësohen se janë në kundërshtim me Kodin e Mirësjelljes.
“Kemi vërejtur raste në komunën e Prizrenit, ku PDK-ja, AAK-ja, Lëvizja Vetëvendosje, LDK-ja, kanë vendosur posterë propaganduese të partive në murin dhe rrethojat e objektit të komunës së Prizrenit. Po ashtu, partitë politike po marrin fëmijë me vete, duke penguar, në disa raste, edhe procesin mësimor”, tha Albulena Sadiku, anëtare e Bordit të Demokracisë në Veprim.
Sadiku tha se disa nga partitë politike po shkelin Kodin e Mirësjelljes duke mos paraqitur kalendarin e aktiviteteve në kuvendet komunale zgjedhore.
Ndërkohë, për katër ditët e para të fushatës parazgjedhore, partitë politike në mediat e shkruara dhe në disa ueb-faqe të agjencive të lajmeve kanë shpenzuar rmbi 60 mije euro, pa përfshirë reklamat në televizione.
Driton Selmanaj, nga koalicioni i organizatave joqeveritare “Demokracia në Veprim”, që ka bërë këtë monitorim, tha se partitë e mëdha janë ato që kryesisht po shpenzojnë më shumë para.
“Prin Partia Demokratike e Kosovë, me mbi 35 mijë euro shpenzime, pason Aleanca Kosova e Re, me mbi 14 mijë euro. Më pas vjen Lidhja Demokratike e Kosovës me mbi 4 mijë euro, e pasuar nga FER-i dhe Aleanca për Ardhmërinë e Kosovës. Lidhja Demokratike e Dardanisë, Partia Demokratike Turke, Partia e Pavarur Liberale dhe Vetëvendosja nuk kanë shpenzuar asnjë para për këtë çështje”, tha Selmanaj.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30