Rugova: Kjo LDK nuk është LDK-ja e Ibrahim Rugovës

nga **Agim Gashi** Mon Dec 06, 2010 10:10 pm

Rugova: Kjo LDK nuk është LDK-ja e Ibrahim Rugovës

Ukë Rugova, djali i ish presidentit të ndjerë të Kosovës, u ka bërë thirrje të hënën pejanëve dhe kosovarëve, që të ndahen nga emocionet e emrit LDK, sepse ai nuk përfaqëson më asgjë nga ajo që ka përfaqësuar në të kaluarën.
“Në këto momente duhet ndarë emocionet nga realiteti, kjo LDK nuk është LDK-ja e Ibrahim Rugovës me të cilën jemi të lidhur të gjithë emocionalisht, sepse nuk e ka frymën e bashkimit të Ibrahim Rugovës”, ka thënë Rugova në tubimin në palestrën e sporteve “Karagaç” në Pejë.
Duke vlerësuar se Ibrahim Rugova në të gjallë të tij gjithmonë ka fituar zgjedhjet në Pejë, Uka ka shtuar se pikërisht me frymën e bashkimit mes Rugovës dhe Haradinaj, në këto zgjedhje është krijuara koalicioni me AAK.
LDK-ja, sipas Rugovës, ka fajin për ndarjen e së djathtës në Kosovë, pasi ajo nuk krijoi hapësirë për një koalicion të gjerë të së djathtës për të qeverisur vendin.
Kurse partneri tjetër i koalicionit Daut Haradinaj ka thënë se me fitoren e AAK-së, Peja nuk do të jetë më e lënë anash.
“Peja nga kjo qeveri u la anash dhe unë shpresoj se nga data 12 dhjetor, Peja do ta ketë përkrahjen e qeverisë së Kosovës, qytetarët e Pejës do të kenë një jetë më të mirë sepse listë jonë ka njerëzit që e duan Pejën, që kanë të gjitha vlerat dhe mundësitë për të zgjedhe një qeveri të fuqishme, e cila do ta bëjë Dukagjinin si tërë Kosovën dhe s’do jetë më e anashkaluar” ka thënë Haradinaj.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31