Koment dhe letër nga Ibrahim Egriu

nga **Agim Gashi** Sat Dec 18, 2010 12:06 am

Koment dhe letër nga Ibrahim Egriu

Flm nga zemra per botimin e REQUIEMIT, ne shenje te 4-vjetorit te vdekjes se atdhetarit te madh, Sali Bajra. bashkangjitur me kete mesazh, jua dergoj dhe dy poezi, qe i dedikohen atdhetarit te pavdekshem, Sali Bajra. Pershendetje vellazerore nga Suedia e ftohte plot bore e acar!

Abdullah Çallaku:
-Poezi kushtuar SALI BAJRËS dhe IBRAHIM EGRIUT

Përqafime e lot, dashuri e dhimbje sot kemi o Ibrahim,
Sot e katër vite u nda nga ne vëllau i yt dhe vëllau im.
Lotët pikojnë dhe zëmra trishtohet,
kur nga kjo botë vëllau të largohet.
...Ti e dinë o IMI, se shumë herë këtë ndjenjë e ke përjetu,
por në çdo rrezik stoik dhe vigan ke qëndru.
Jehon Dibra JOTE e malet buqasin.
Në ndihmë Kaçanikun me zëmër e thêrrasin.
Të dy për Atdhe vrapojnë për çlirim.
Të dy në qafime vëllau Saliu dhe vëllau Ibrahim.
Dibra jote me shumë dashuri të mban në kujtim.
O Ibrahim, o atdhetar dhe sakrificë për arsim!
Le të jetoj kujtimi për Ju sa të jet jeta
o Sali BAJRA O LISË me fleta!

(Kushtuar dy vëllezërve Sali Bajrës (r.sh.)dhe Ibrahim Egriut Suedi)

Ramadan ASLLANI: SINONIMI I KAÇANIKUT

(z. Sali Bajra)

Sa herë në mëngjes zgjohej herët,

Dhe përshkonte Çarshinë e Vjetër,

Për ta parë zgjimin e kaçanikasve,

Ngjitej përpjetë me bukë dhe gazetë.

- A mujte aga Sali! – refreni i përditshëm qytetar,

E mjekonte shpeshherë kur kishte ndonjë dhembje,

Duke rimarrë forcë për sfida të ndryshme,

Sinonimi i Kaçanikut – fisnik e kombëtar.

Aga Sali i Kaçanikut rilindej çdo herë,

Edhe kur erërat vetë nuk dinin kah frynin,

Përplasnin me rrëmbim të ligështit në fortunë,

Guri në shkëmb qëndrim mallëngjimi në urë.

Për emancipimin kombëtar e shoqëror,

Hapi gjimnazin e parë shqip në Kaçanik,

Dhe miratimin e parë për Fakultet Mjekësor,

Paraprijëse e Universitetit n’Kosovë.

- Kush e punon tokën?! - kërcënohej Mugosha,

Nëse në çdo mëhallë hapim shkolla pa mosha,

Për partinë dhe bujqësinë nuk është punë e mbarë,

Kaçanikasit duan dije, duan male, duan arë!

Kur kalonim vigun në jug, si në urën e siratit,

Satanët urrejtës pa Jehovain shkallmonin,

Pa guxuar t’i qajë as nënë as babë,

Plagët që shkaktonin fqinjët barbarë.

Sali Bajra çoi ultimatum n’Maqedoni,

-Mos m’i prekni shqiptarët n’atë copë Shqipni!

Se në Kosovë nuk mund’ni me hy!

Prish marrëdhëniet me kojshi!

Në Han t’Elezit vuri laurën,

Veç për shkie e maqedonas,

N’kufi ndal çdo grua e burrë,

Çdo veturë dhe maunë.

Këtu udhëheq Sali Bajra!

Burrë me nam e ka ba nana!

Me guximin dhe trimërinë!

Për Kosovën për Shqipërinë!

Ramadan Asllani

I nderuari z. Ibrahim,
Falemnderit shumë për emailin. Nuk kam pasur rastin ta njof personalisht Sali Bajrën, por e kam dijtë mirë se kush është. Duke lexuar emailin tënd më dilnin parasysh pamje të babait tim, i cili edhe pse vet i pa shkollë k...ishte shumë dashuri dhe respekt për Sali Bajrën. Ne nuk jemi fare nga ana e Kaqanikut por nga Hadja e Obiliqit e deri në vitin 1976 në familjen tonë nuk kemi pasë as tv as radio e babai im nuk lexonte as gazetën, por ishte shumë i informuar për Sali Bajrën dhe shpesh fliste për te me mysafirët tanë po edhe me neve fëmijve. Edhe kjo fletë për rolin pishtar të Sali Bajrës nami i të cilit merrte dhenë më shpejt se interneti i sotshëm dhe nderohej e respektohej an e kend Kosovës.
Edhe një herë falemnderit për emailin e Lavdi Sali Bajrës.
Gëzuar Vitin e Ri e shëndet të mirë!
Salih Konjusha
me familje

nga **Agim Gashi** Sat Dec 18, 2010 12:10 am

Ju përshëndes i dashur Ibrahim me dëshirat më të sinqerta pë shëndet dhe jetë të gjatë. Z. Sali Bajren e kam njohur shumë mirë sepse ishte miku i babait tim. Ai vinte tek ne në Lipjan shpesh dhe gjithëherë i këndoja këngë patriotike.Sa herë që e këndoja këngën "Kosovës trime", Ai dhe babai im nuk e ndalnin vajin. Çaste të pa harrueshme ishin ato.
Ishte njeri dhe patriot me plot ndjenja kombëtare. Të rrallë janë njerzit si Ai!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Koment dhe letër nga Ibrahim Egriu

Koment dhe letër nga Ibrahim Egriu

Re: Koment dhe letër nga Ibrahim Egriu