Prokurorët në ndjekje të keqpërdoruesve të votës

nga **Agim Gashi** Sat Dec 18, 2010 9:32 pm

Prokurorët në ndjekje të keqpërdoruesve të votës

Kryeprokurori i Shtetit të Kosovës, Ismet Kabashi.

Kryeprokurori i Shtetit të Kosovës, Ismet Kabashi ka angazhuar prokurorë nga shtatë prokuroritë komunale të Republikës së Kosovës për t’u marrë me mbledhjen e provave për keqpërdorimin e votave në zgjedhjet e 12 dhjetorit.
Fillimisht prokurorët do të merren me mbledhjen e provave për keqpërdorime në këto zgjedhje, keqpërdorime këto që e shtynë Komisionin Qendror Zgjedhor (KQZ) të vendosë për rivotim në tri komuna të Kosovës, pas rekomandimit që kishte bërë Paneli Zgjedhor për Ankesa dhe Parashtresa. Ky panel ka gjetur shumë parregullsi në Skenderaj, Drenas dhe Deçan, si dhe në disa vendvotime në Malishevë e Lipjan, të cilat e kanë dëmtuar procesin zgjedhor. Provat që kanë pasur në dorë gjyqtarët e PZAP-i tash do të kalojnë në duar të prokurorëve për ndjekje penale.
Ndërkohë, sipas raportimeve të medieve, numri i përgjithshëm i komisionarëve në tri komunat, ku do të rivotohet, është rreth një mijë. “Kam caktuar një prokuror në Prokurorinë e Shtetit që do t’i koordinojë punët. Kam kërkuar përgjegjësi prej krejt kryeprokurorëve të qarkut që t’i monitorojnë kryeprokurorët komunal dhe të kërkojnë raporte nga ta, ndërsa prokurorët e qarkut çdo ditë do të raportojnë në Prokurorinë e Shtetit”, citohet të ketë thënë kryeprokurori Kabashi.
Ai ka konfirmuar se prokurorët komunalë nga prokuroritë e Prishtinës, Mitrovicës, Pejës, Gjakovës, Prizrenit, Ferizajt dhe Gjilanit do të kërkojnë nga KQZ-ja dhe PZAP-i provat për t’i analizuar ato dhe për të vendosur për hapat e tjerë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30