Krasniqi: Procesi zgjedhor është lënduar

nga **Agim Gashi** Wed Dec 29, 2010 9:51 pm

Krasniqi: Procesi zgjedhor është lënduar

Ushtruesi i detyrës së presidentit të Kosovës, Jakup Krasniqi, ka shprehur keqardhje për procesin zgjedhor të 12 dhjetorit, duke thënë se ka pritur të ketë një proces më të rregullt zgjedhor.
Ai këto komente i bëri të mërkurën gjatë një pritjeje për gazetarë me rastin e fundvitit, me ç'rast ka prezantuar punën e presidentit të Kosovës gjatë vitit që po lëmë pas.
Krasniqi ka thënë se si president në detyrë është përpjekur t'i kryer të gjitha përgjegjësitë e tij konform Kushtetutës dhe ligjeve në fuqi.
"Unë do të kisha dëshiruar një rezultat tjetër zgjedhor, në mënyrë të veçantë do të kisha dëshiruar që këto zgjedhje të ishin pa vërejtje, edhe nga pala vendore dhe ajo ndërkombëtare. Na vjen keq që ky proces zgjedhor ka qenë i lënduar, por shpresoj dhe besoj se institucionet e pavarura zgjedhore, institucionet kushtetues e që kanë përgjegjësi për të certifikuar rezultatin përfundimtar zgjedhor ta bëjnë korrigjimin e mundshëm të defekteve të shfaqura me 12 dhjetor, dhe kështu të shkojmë drejt konstituimit të institucioneve që aq shumë i duhet Kosovës dhe aq shumë detyra e presin për vitin 2011", ka theksuar ai.
Krasniqi beson se pas përsëritjes së zgjedhjeve në disa komuna më 9 janar, do të formohet shumë shpejt qeveria e re, ndërkaq për vete thotë se nuk zgjedh të ketë ndonjë pozitë të veçantë, porse do ta kryejë çfarëdo detyre që i besohet nga ana e PDK-së.
"Njerëzit që hynë në politikë e kanë një synim, por dua të them këtë se dëshiroj ta marr një përgjegjësi me të cilin do të jenë dakord organet përgjegjëse vendimmarrëse, fillimisht të PDK-së, dhe pastaj varet shumë edhe nga votimi që do të bëhet në Kuvendin e Kosovës. Unë dëshiroj t'i kryej të gjitha procedurat që do të duhet të kryhen të gjitha këto institucione dhe pastaj jam i gatshëm ta marr secilën përgjegjësi që ka nevojë në rend të parë Kosova. Por cilëndo përgjegjësi që do ta marr unë ju garantoj juve dhe qytetarët e Kosovës se do ta kryej me përgjegjësi, me ndershmëri dhe më përkushtim", ka thënë shprehur ushtruesi i detyrës së presidentit.
Sa u përket koalicioneve, ai ka thënë se duhet pritur rezultatin zyrtar në mënyrë që pas tij të dihen koalicionet dhe që shumë shpejtë të formohet kabineti i ri qeveritar.
Ndërkohë, ushtruesi i detyrës së presidentit ka prezantuar punën që ka bërë ish-presidenti Fatmir Sejdiu dhe punën që ka bërë ai nga 28 shtatori, kur pas dorëheqjes së Sejdiut mori detyrën e ushtruesit të presidentit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30