Sabit Rrustemi:Ars Clubi “Beqir Musliu ” përmbyll veprimtaritë për vitin 2010-të

nga **Agim Gashi** Wed Dec 29, 2010 11:30 pm

Sabit Rrustemi:Ars Clubi “Beqir Musliu ” përmbyll veprimtaritë për vitin 2010-të

PREZENTOHEN DY LIBRA TË RINJ DHE SYNIME TË REJA PËR VITIN 2011-të
Vitin 2010, Ars Clubi "Beqir Musliu" që ka selinë në Gjilan, përmbylli veprimtaritë e sivjeme me një takim letrar në Sallën e Vogël të Teatrit në Gjilan.
Me këtë rast, udhëheqësi i Ars Clubit, shkrimtari Sabit Rrustemi përpos që paraqiti një raport për veprimtaritë e këtij viti si dhe synimet për vitin 2011-të, prezentoi edhe dy librat më të rinj që para pak ditësh panë dritën, në saje të heqjes së shpenzimeve të shtypit nga MKRS-ja.
"Vepra e Gjon Buzukut, me autor studiuesin e letërsisë, Nuhi Ismajlin, si dhe "Mollë me syze", me autor Avdush Canaj, janë dy libra që si dhurata të këtij fundviti ju shpërndanë anëtarëve dhe srtdashësve të Ars Clubit , në këtë takim që më shumë kish dhe karakter festiv.
Po sjellim këtu, raportin e vitit 2010 si dhe synimet për vitin 2011, të cilat u mbështetën njëzëri nga të pranishmit.

VEPRIMTARITË E VITIT 2010

Ars Clubi “Beqir Musliu”, si asociacion i shkrimtarëve dhe krijuesve të rinj, gjatë vitit 2010;
- ka botuar numrin e 9-të të revistës letrare – kulturore AGMIA, me heqjen e shpenzimeve të shtypjes nga Kuvendi i komunës së Gjilanit ( në kuadër të Manifestimit tradicional “Flaka e Janarit”.
- Ka konkuruar me katër dorëshkrime letrare në MKRS, prej të cilave, në etapën e dytë të këtij viti, dy dorëshkrime janë mbështetur financiarisht, përkatëisht janë mbuluar dhe këtu, shpenzimet e shtypjes për librat, “Vepra e Gjon Buzukut, me autor Nuhi Ismajlin dhe “mollë me size”, me autor Avdush Canaj.
- Një dorëshkrim është botuar me vetëfinancimin e auorit. Fjala është për përmbledhjen e poezive “Pikojnë heshtjet”, autor Nexhat Rexha.
- Dorëshkrimi i katër, me autore Albina Idrizin ka mbetur për vitin 2011-të,
- Kemi projektuar dhe realizuar manifestimin “Vjeshta Letrare e Gjilanit” për dy muaj, nga 18 tetori – 18 dhjetori 2010, kun ë këtë interval kohor janë mbajtur pesë pikëtakime letrare, me prezentim veprash të reja, përvjetor shkrimtarësh dhe një mbrëmje përkushtimi.

Ka mbetur, për mungesë financiare pa u realizuar ende Projekti letrar “Përgatitja për botim e dorëshkrimeve të Beqir Musliut”, project ky i adresuar Kryetarit të komunës , për të cilin na është premtuar se do të na sigurohen mjetet për vitin 2011-të, si dhe manifestimi “Trekëndëshi poetik i lirisë”, project ky i adresuar në MKRS por që ka mbetur, gjithashtu për vitin 2011-të.

Shkaku i një viti të ngarkuar me obligime të shumta, për arsye edhe të moskoordinimit me kohë mes Ars Clubit dhe kryetarit të komunës, ka mbetur këtë vit pa u dhënë edhe Çmimi “Beqir Musliu”. Por, që, na është premtuar se, dhënia e përvitshme e këtij Çmimi do pasojë nga 2011-ta.

Këto kanë qenë objektivat e një viti, të cilat, nëse kemi parasysh mungesat financiare, në masë të mirë janë përmbushur .

Viti 2011, në Gjilan do duhej të jetë vit i kulturës dhe, para se gjithash i letërsisë, sepse do shënojmë 15 vjetorin e shkuarjes në amshim të shkrimtarit më të madh, jo vetëm të këtij qyteti po edhe më gjerë, Beqir Musliut.

SYNIMET E Ars Clubit "BEQIR MUSLIU" PËR VITIN 2011-të
Botimi i sëpaku dy numrave të revistës letrare – kulturore AGMIA,
Botimi i veprave të reja letrare të autorëve dhe anëtarë të Ars Clubit,
Realizimi i Manifestimit “Trekëndëshi Poetik i Lirisë” më 12 qershor 2011-të,
Dhënia e Çmimit letrar “Beqir Musliu” në koordinim me kryetarin e komunës së Gjilanit si dhe veprimtari tjera në kuadër të shënimit të 15 vjetorit të shkuarjes në amshim të këtij emir të madh të letrave shqipe.
Realizimi i Manifestimit “Vjeshta Letrare e Gjilanit” 2011-të,
Përgatitja për botim e dorëshkrimeve të mbetura të shkrimtarit Beqir Musliu
Si dhe
Preznetime e pjesmarrje nëpër manifestime të ndryshme letrare, Brenda e jashtë vendit
...
Përmbushja e këtyre synimeve mbështete në përkrahjen financiare që presim nga institucionet përkatëse lokale e qendrore, nga donatorë të mundshëm të cilët do t’i identifikojmë gjatë vitit vijues si dhe të vetë autorëve dhe anëtarëve të Ars Clubit.

Gjilan, 29 dhjetor 2010

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30