Mentor Thaqi:Urime dhe Gëzuar! - Vargje urimi -

nga **Agim Gashi** Fri Dec 31, 2010 1:48 am

Mentor Thaqi:Urime dhe Gëzuar! - Vargje urimi -

Natë e Vitit t´Ri,
e Shën Silvesterit,
të na sjellë mbarësi,
t´gjithë shpresojmë, njëherit!

I dashur Kombi im!
Të dashur miq, me rend,
t´gjithë, pa përjashtim,
se s´mund t´ju përmend:

- Thellë nga zemra ime,
buron një Uratë,
e shënjtë, sublime:
Bekim dhe shumë Fat!

Ju kam miq për zemër,
ju kam pjesë suksesi,
t´gjithëve me një Emër,
nga shpirti, jo interesi!

Vitin që lamë pas,
nuk e patëm t´lehtë,
erdhi si tallas
dhe po ikë i zbehtë!

Por, Shqipëria ime,
eci me suksese,
me plot prosperime,
ngjalli, Mori Shprese!!!

Dua që nga Rrënjët,
me Trung e me Degë,
t´na burojnë veç këngët,
Toskërishte e Gegë!

Ta ndihmojmë prap Shkodren,
atë Zonjë të Madhe,
nga përmbytjet dhe ndotjet,
ti heqim ca halle!

Mbi t´gjitha, Çamërinë!
Motren tonë të dashur!
Të ia kthejmë Lirinë,
Kombëtare, siç ka pasur!

Ju lutem, fçiut t´varfër tuaj,
i ipni një çikë krahun,
mos e lëni të vuaj,
bashkë duhet ndarë fatin!

Marty e Del Ponte,
ata shpirtëra t´shitur,
do i shlyejmë sonte,
injorantë, gjakprishur!

Ia marrshin të ligat,
Kombit tim të lashtë,
lugetërit dhe shtrigat,
le të ngordhin bashkë!

Shqipëria në NATO, sot,
shqiptarët tashmë pa viza,
në Europë në mot,
është e jona, deviza!

Bekimet rilindase,
duket kanë mbërri,
pas një Shekulli përplasjeje,
Zoti t´bekoi Arbëri!

Është kjo Natë gëzimi,
malli, dashurie, o ju të nderuar!
Le të mbretëroi festimi:
Urime 2011! Urime dhe Gëzuar!

Mentor Thaqi VS., 30.12.2010

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30