Kujtim Stojku:POLEMIKE ME VETVETEN.

nga **Agim Gashi** Wed Jan 05, 2011 12:58 am

Kujtim Stojku:POLEMIKE ME VETVETEN.

N’biblotekën time librat rrinë radhë radhë
Dhe me ta bisedoj vazhdimisht
Që nga Homeri,Gëtja dhe Eskili
Dhe deri tek flozofët antik.

Ulem me ta e bisedoj vendçe
Deri më t’thellin mendim
mësoj nga veprat e kryemjeshtërve
pastaj hesht i zhytur në meditim.

Por një zë i brendshëm më flet
Se duhet lexuar libri i jetës
Pastaj të bësh gërshëtimin ideal
Me t’bukurat, t’hidhurat e s’vërtetës.

Ja,dil atje në rrugë,
do t’ndjehesh i hidhur pelin
shih se si shet trupin një prostitutë
Pak më vonë do t’dëgjosh për një krim.

Futu në brengat dhe hallet e njerzve
Fol me dashuri me prostitutën dhe lypsarin
Çaje terrin e rrobave të mëndafshta
Futu brenda shpirtit arrogant të zyrtarit.

Ulu këmbëkryq me njerzit e punës
Me ata që shesin krahun për një copë bukë
Para këtyre kryemjeshtrit e biblotekës sime
Më duken të vegjël,dhe i heshtur mbetem unë.

Largohu nga lajkat dhe thashethemet
Fluturo si zog në hapsirë
Tgjitha këto janë libra t’pa shkruar
Është libri i madh i jetës
Ta lexosh duhet t’keshë dëshirë.

E si ta lexosh kwtw libwr t’pa shkruar
Do t’ndjesh si t’rrjedh gjaku,e t’rreh çdo puls
Atëherë vargjet e tua do t’jenë prej ari
Të larë me djersë, të shkruar me mund…
Fund

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30