Mentor Thaqi-Agim Gashi:DËSHMOR KOMBI MUHARREM MISIMI

nga **Agim Gashi** Sat Jan 08, 2011 8:51 pm

Dëshmori Muharrem Misimi

Mentor Thaqi-Agim Gashi:DËSHMOR KOMBI MUHARREM MISIMI

O prekaz, je Emen Nderi,
Besë e Fjalë, vet Maliheri,
Djep Trimnie, Vend bekimi,
aty u rrit Muharrem Misimi,
fjala pushkë e pushka top,
erë kushtrimi, mbanë dhe sot!

Muharremi plot një jetë,
për Atdhe n´Aktivitet,
n´banga shkolle e vend pune,
si gjithmonë në ballë furtune,
Kombit t´vet në ndihmë i del,
n´Histori, vepra ka ngelë!

Ndër të parët n´demostrata,
n´barrikada e prita t´gjata,
n´ballë t´kolonave t´minatorve,
në marshim të gjatë t´puntorve,
Trepçës sonë ia shtun lavdinë,
i ndriten Kombit Historinë!

Kurr s´ju zbeh vendosmëria,
kohve t´liga nga stuhia,
synin pishë në nishan pushke,
ushtar Kombi në flakë lufte,
UÇK-së iu bashkangjit,
me besa-besë qysh n´tparat ditë!

Ndër të parët në ball t´luftës,
gjithmon gishtin në qark t´pushkës,
sakrificë dhe vetflijim,
nga Prekazi i ka mësim,
Ushtar Nderi i Adem Jasharit,
Siluetë trime e Ushtarit!

Në Brigaden "Fehmi Lladrovci",
ra Dëshmorë n´Betejë Dubovci,
me Mexhid e Xhavit Bislimin,
përkrah trimin Driton Ibrahimin,
për Liri pat bërë betimin,
Pavarësisë i dhanë bekimin!

Sot Prekazi frymon i lirë,
s´i harron djemt e tij t´mirë,
i dhanë nderin vendit t´vet,
Gurthemel t´Lirisë përjetë,
Shqipja Nënë i mbanë në gji,
përjetsisht, Nderë e Lavdi!

Ka diçka që rron përjetë,
Nderi i Kombit, Dëshmorët vet!
Janë në zemra përherë t´gjallë,
për jetë t´jetës Kombit n´ballë,
midis tyre Muharrem Misimi,
Heu, Simbol Nderi në Flakë Kushtrimi!

Mentor Thaqi dhe Agim Gashi

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30