Mitrovica rrezikon Kosovën

Mitrovica rrezikon Kosovën





Nga Express më 14.03.2009 në ora 19:19

Nënkryetari i Aleancës për Ardhmërinë e Kosovës, Blerim Shala ka deklaruar se shteti i Kosovës është i rrezikuar përderisa qyteti i Mitrovicën është i ndarë. Këto komente ai i bëri gjatë Kuvendit Zgjedhor të Degës së AAK’së në Mitrovicë.

Blerim Shala tha se për Mitrovicën është folur shumë, por është punuar shumë pak për bashkimin dhe mirëqenien e këtij qyteti. “Kjo anë e Kosovës është e njohur me një histori të ndritshme, ndërsa ky qytet ka një të tashme të errët, të pa perspektivë, në të gjitha aspektet e mundshme; politike, ekonomike, sociale”, ka thënë Nënkryetari i Parë i AAK’së.

Ai ka theksuar se Mitrovicës i duhen një përkushtim i sinqertë, plane, propozime dhe veprime konkrete të Prishtinës zyrtare. “Veriu dhe Mitrovica nuk janë dhe nuk mund të jenë vende ku humben dhe fitohen votat e një partie, por se këtu fitohen dhe humbin interesat e shtetit të Kosovës”, deklaroi Blerim Shala..