Ismail Kadare mbush sot 75 vjeç, festa në Paris

nga **Agim Gashi** Fri Jan 28, 2011 3:42 pm

Ismail Kadare mbush sot 75 vjeç, festa në Paris

Shkrimtari i madh shqiptar, i njohur në mbarë botën dhe fitues i disa çmimeve letrare mbush sot 75 vjec. Ditën e lindjes, shkrimtari do ta kalojë në Paris me familjen e tij, larg zhurmës e bujës. Nga ana tjetër, tri ditë më vonë në Tiranë, Akademia e Shkencave e Shqipërisë në bashkëpunim me Ministrinë e Turizmit, Kulturës, Rinisë dhe Sporteve do të organizojë një konferencë jubilare për të. Vetë Kadare nuk do të jetë i pranishëm, siç pohojnë anëtarë të Akademisë, por me rastin e 75-vjetorit të lindjes së shkrimtarit dhe Akademikut ditën e hënë, në datën 31 janar 2011, në orën 11:00, në sallën "Aleks Buda" do të mbahen referime nga studiues, njohës të veprës së tij.

Me këtë rast shfrytzoj rastin që shkrimtarit të madh z. Ismail Kadare të i Uroj Ditëlundjen duke i dëshiruar jetë të gjatë, shëndet dhe krijime tjera për të mirën e kombit. Je gjiganti i letërsië kombëtare dhe asaj botrore i dashur Ismail Kadare!

Dhurata ime është kjo këngë për të madhin e kombit!

ISMAIL KADARE

Moj sharki mos ma këput telin
nji kangë sëbashku ta këndojmë,
ma të ndritshmit të letrave shqipe
me gjithë zemër ia kushtojmë.

Le t´kumbojnë sot telat tu,
të ngrihet zani, të marri dhenë,
tokës së Arbërit deri n´qiell
të ushtojë për Kadarenë.

Ngritu lart moj kanga ime
përhapu lartësive nëpër re,
Për ma të dashtunin sot këndojmë,
Për të madhin Ismail Kadare.

Këto vargje zemre e melodi
i shpërndaj botës anembanë,
Janë për Ty shkrimtar i shqipes.
T´vinë n´Paris edhe n´Tiranë.

Se ngrite lart popullin tand
I dhe zemër, je unikal,
ndaj ky popull t´ka në zemër
Gjeneral mbi gjeneral!

Sot me Ty mburret Arbnia,
simbol kulture je për ne,
të na jetosh sa malet tona
O i madhi Kadare!...

08.07.2010
Düren

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30