Mustafa: LDK-ja do t’i përgjigjet çdo ftese, edhe të PDK-së

nga **Agim Gashi** Mon Jan 31, 2011 10:40 pm

Mustafa: LDK-ja do t’i përgjigjet çdo ftese, edhe të PDK-së

Arta Meha - Bota sot

Prishtinë, 31 janar 2011
Vetëm një ditë pas publikimit të rezultateve përfundimtare të zgjedhjeve të jashtëzakonshme nacionale të 12 dhjetorit nga Komisioni Qendror Zgjedhor, kryetari i Lidhjes Demokratike të Kosovës Isa Mustafa, ka ritheksuar edhe një herë qëndrimin e tij, se nuk do të hyjë në koalicion me Partinë Demokratike të Kosovës, por në Parlamentin e ardhshëm të Republikës së Kosovës do të jetë si opozitë. Ai ka thënë se LDK-ja, nuk ka marr ndonjë ftesë nga ana e PDK-së, për koalicion, por nëse iu dërgohet ata do t’i përgjigjen. “Nuk do të bëjmë koalicion, ne jemi pozicionuar si LDK, se ku do të jemi, ne do të jemi në opozitë në Parlamentin e ardhshëm të Republikës së Kosovës. Ndërkaq, ne presim që të bëhet certifikimi i rezultateve dhe përfundimisht të kemi marr rezultatet paraprake. Ftesë nuk kemi marr nga PDK-ja, natyrisht se LDK-ja do t’i përgjigjet çdo ftese të cilën e merr por kjo s’do të thotë assesi se ne do të hyjmë ne negociata për koalicion me PDK-në”, theksoi Mustafa.
“Prioriteti i jonë do të jetë që qeverisja të jetë e mirë në tërë Kosovën në mënyrë që Kosova të zhvillohet në pikëpamje ekonomike në mënyrë që t’i tejkalojmë problemet, sepse qeverisja është një vazhdimësi, të cilën ne nuk mund ta ndajmë, por është e domosdoshme që të sigurohet një qeverisje e mirë sepse ne do ta japin vlerësimin edhe për këto zgjedhje. Nuk jam që ta jap sot mendimin përfundimtar, sepse po presim edhe certifikimin e zgjedhjeve”, theksoi Mustafa, duke shtuar se LDK-ja, do të angazhohet më çdo kusht që qeverisja të bëhet në bazë të votës legjitime dhe vota legjitime, sipas tij, është vetëm vota e qytetarit.
- - - - - -
Isa Mustafa: LDK nuk bën pazar me PDK-në e Hashim Thaçit
Prishtinë, 30 janar 2011
Kryetari i Lidhjes Demokratike të Kosovës (LDK), Isa Mustafa, ka thënë se kjo parti nuk ka marrë ftesën për të qenë pjesë e qeverisjes gjithëpërfshirëse, por edhe nëse marrin ftesë përgjigjja do të jetë negative, pasi sipas tij LDK do të qëndrojë në opozitë dhe se nuk do të bëjë pazar me premtimet e dhëna para elektoratit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30