ForumShaqir Skarra:Intervistë me këngëtaren dhe pedagogen e kantos zonjën Alma Strazimirin.Të gjitha rrugët më çuan në rrugën e Arbërit........... von Ardian Naço, Samstag, 15. Januar 2011 um 18:28
Faqja 1 e 1
Shaqir Skarra:Intervistë me këngëtaren dhe pedagogen e kantos zonjën Alma Strazimirin.Të gjitha rrugët më çuan në rrugën e Arbërit........... von Ardian Naço, Samstag, 15. Januar 2011 um 18:28
nga Agim Gashi Tue Feb 01, 2011 7:01 pm
Shaqir Skarra:Intervistë me këngëtaren dhe pedagogen e kantos zonjën Alma Strazimirin.Të gjitha rrugët më çuan në rrugën e Arbërit.........
.....................I i n t e r v i s t ë.....................
me këngëtaren dhe pedagogen e kantos zonjën
..............A l m a ....S t r a z i m i r.............
Të gjitha rrugët më çuan në rrugën e Arbërit...............
Fëmijëria ime? Diçka midis kufirit të dhimbjes dhe lumturisë. E lindur në qytetin e Peshkopisë, nga një familje me prejardhje të mirë genetike. (Derë e madhe) -thotë nana ime. Strazimir (im atë) si dhe Bunguri (ime më). Dy fise që shquhen për tradita që kanë ditur t’i ruajnë e t’i kultivojnë brez pas brezi. E unë mbetem një dëshmitare me zë dhe e heshtur…Kur kuptova që ekzistoja,mësova që një pjesë e imja e rëndë-sishme e domosdoshme nuk kishte udhëtuar me mua fizikisht. Nuk kishte mundur të më ndihmonte në hapat e parë, nuk ishte ngazëllyer nga rrokjet e mia të para, s’kish mundur të shijonte buzëqeshjen dhe lotin tim të parë…Ky shte im atë Isa Strazimiri. E kjo mbështolli rreth meje atë dhimbjen që kam përmendur më lart,si veshje të cilën e mbaj ende. Kur kuptova që lumturia kish shije, më duhej të rendja sa e sa herë livadheve dhe grunajave me sallakuq, për të zënë xixëllonja e për t’u kthyer në krahët e gjyshërve të mi, e lyer me dritën e tyre…Kam lot…janë pjesë e imja, dhe di t’i bëj më së miri…Burimin e tyre e zbulova një natë në vogëli, kur isha strukur në kraharor të mamasë time, e pashë që ajo dinte të qante mrekullisht. Binin shpesh në mua, po thuaj çdo natë deri sa zunë shtrat, rrënjë… përjetësisht. Kur kuptova dëshira u gjenda në Tiranë. Isha 6 vjeçe. Një katolik i mirë me emrin Mark më mori në prehër,më puthi në ballë, për të më ndenjur pranë në çdo hap, në çdo çast e mbi
të gjitha për të më bërë të mos harroj kurrë që rrënjët e mia ishin Strazimiri. U gjenda në një familje me tradita, me rregull, me disiplinë, e mbi të gjitha me shumë vërtetësi dhe dashuri, specialitete këto që dinte t’i “gatuante” e “kavardiste” ajo mami im i rrallë që quhet Nemika. E kështu rrodhën vitet, me shumë kërkesë ndaj vetes, e duke nxënë çdo ditë diçka të re, në një përreth të ri. Ia dola mbanë...........
Po rinia juaj si erdhi?
Kuptova që po rritesha kur pata dëshirë të ndryshoja modelin e flokëve apo të përdorja fshehurazi buzëkuqin e nënës time. Por edukata e instaluar që nga fëmijëria nuk më ndezi kurrë dëshirat për të hequr në asnjë cast përparsen time të zezë, jakën e madhe të bardhë si dhe fjongot e mia të shumëngjyrëshme, deri sa u bëra 18 vjeçe..........
Të bënin komplimente djemtë kur ishe në shkollë?
Nuk di të ndaj një kompliment të veçantë, por di të them që u ndjeva zonjushë, kur një djalë simpatik
pas parakalimit tradicional të 1 Majit më afrohet duke më zgjatur disa karafila letre:-Për sytë e tu të bukur! I mora e turpëruar me guximin e një fëmije. Ato mbetën në një vazo me vite me radhë në shtëpinë time deri sa humbën ngjyrën.
Kur jeni ngjitur për herë të parë në skenë, e mbani mend këngën e parë që keni kënduar?
Skena? Nëse skenë aso kohe mund të quhej çdo dalje apo shpalosje, çdo buzëqeshje apo sy i trishtë që më
shponte përtej, unë e kam përjetuar që 4-5 vjeç… Thonë që i kam rënë dajres mrekullisht! Pastaj erdhën vitet
e shkollës, ku unë në të gjitha aktivitetet shpalosja vokalin e madh dhe dramatik. “Në kongres po niset nana”- quhej kënga e parë që më dha mundësine të interpretoja në një skenë të vërtetë, salla ishte mbushur tej e përtej, e duartrokitjet, më shoqëronin në çdo refren. Me gjithë përmbajtjen e portretizuar, ajo mbetet një këngë e dashur për mua.
Jeni njëkohësisht këngëtare por dhe pedagoge në Akademinë e Arteve, ku ndjeheni më rehat?
Pasi përfundova shkollën 8-vjeçare “Kongresi i Përmetit” me rezultate të shkëlqyera, dëshira e mamasë sime ishte që të vazhdoja gjimnazin, e më vonë mjekësi. E ndërsa rrjedha ime ishte përcaktuar, për t’u bërë këngëtare lirike, e kisha ushqyer më shumë, e kisha menduar më shumë, e ndoshta mendimi ka frekuencë. E para në renditjen përfundimtare, në
Liceun Artistik fillova studimet pranë klasës së pedagoges Ermelinda Paparisto, një grua pedante, me një inteligjencë e aftë- si profesionale të rrallë. Model i mirë. Në të gjitha aktivitetet e rëndë-sishme që organizonte shkolla që nga koncertet në qytete të ndryshme e deri tek Dekadat e Majit isha soliste duke ndërtuar gur- gur një emër në rrethet artistike… një herë mbaj mend që shkollën e vizitoi një delegacion i huaj. Më duhet të këndoja, pasi u prezantova, me romancën e Antonidës, nga opera Iran Susanin Glinka…shpërthyen duartrokitjet… nuk di sa gjatë u duartrokita sepse e turpëruar nga suksesi mora çantën dhe dola nga salla e koncerteve të shkollës duke ndjekur me nxitim emocionin, shijen e veçantë të atyre duartrokitjeve të rralla…Edhe në konkurimin për në akademi u vlerësova me pikët maksimale duke u renditur sërish në vendin e parë. Ishte koha e ndryshimeve të mëdha në tërësinë time, dhe në tërësinë historike të vendit tim. Gjatë viteve të fakultetit renditesha ndër emrat e talentuar, e përfshirë me koncerte brënda dhe jashtë vendit, si dhe në preferencën e kompozitorëve më në zë të asaj kohe.Feim Ibrahimi, Kujtim Laro, Aleksandër Peçi, Endri Sina, Kozma Laro, e deri tek autorët kosovarë Rafet Rudi e Ruaf Dhomi. Diplomë me rezultat maksimal. Mbas diplomimit
m’u desh të bëhesha e vlefshme…rruga e Liceut më ka pëlqyer gjithmonë, e më mbajti aty. Më vonë pedagoge në Akademinë e Arteve duke mos u shkëputur e mbajtur marrëdhënie të mira me skenën…Ndihem mirë që marr dhe jap atë
përvojë që rrëmbej në skenë mundohem t’ua dhuroj e të “ujis” ato“filizat” që më shohin në dritë të syrit. Nxënësit dhe studentët e mi!.......
Fëmijët kanë marrë pak nga profesioni i juaj?
Fëmijët e mi kanë trashëguar shumë nga unë. Im bir studion piano, dhe dallon nga rezultate të shkëlqyera, në instrument, ku në të gjitha konkurset pianistike nacionale madje edhe internacionale është vlerësuar me çmim. Ime bijë është ende e vogël, por është ime bijë.....
Kur trokiti tek ju jeta bashkëshortore?
Atëherë kur vendosi të bëhet mikeshë imja, atëherë, kur më zgjodhi mua.
Si u njohët me bashkëshortin tuaj?
Mendoj që ka qenë “Colpo di fulmine” Ai djali bukurosh i Bllokut, brun me sy jeshil, i gjatë, elegant, i
edukuar, dhe unë, Alma! U pamë dhe ndoqëm pas njëri-tjetrin deri më sot. Pothuaj në të gjitha rrugët takohemi… Edhe rrugicat e ndryshme n’a çojnë në të njëjtën rrugë.
Po martesën si e kujtoni?
Martesa? Ceremoni e bukur, krejt tradicionale. Pastaj disiplinë në tërësinë e saj, e për dikënd që e don fort lirinë, vështirë t’a pranojë. E kam respektuar si rrjedhë të natyrshme dhe e dua si veshjen time....
Sikur të afronin një vend pune më të mirë jashtë do ta braktisje edhe profesionin edhe Shqipërinë?
Do të ndihesha keq, sikur të mos më ishte dhënë një mundësi e tillë…E kam refuzuar unë!
]size=18]Keni dhënë ndonjë koncert tani shpejt? Çfarë planesh keni për të ardhmen?[/size]
Së fundmi promovova një artiste Ukrainase me cilësinë e udhëheqëses Artistike Olha Laytseva. Erdhi të
kërkonte gjurmët e saj të hershme të prejardhjes ndër kohë që me koncertin e përbashkët ne lamë një gjurmë për mirë!
I kushtoni rëndësi shumë lukut tuaj?
Mendoj se po! Është në detyrën e gjtihsecilit të dhurojë në të përditshmen një kënaqësi estetike.
Ju pëlqen muzika popullore dibrane?
Është më rrënjë në shpirtin tim.Shumë këngë më zbrazin sytë, e shumë të tjera më mbushin shpirtin.
Keni ndonjë ëndërr në sirtar?
Sirtari im është plot ëndrra. Nuk do guxoja të mund të nxirrja ndonjë për t’ua thënë me zë të lartë sepse do të trembeshin të tjerat… preferoj ta mbaj të mbyllur e kyçin do t’ua lija trashëgim fëmijëve të mi, që
ëndrra ime mund të vazhdonte. E kam forcën dhe motivin e mendimit tim pozitiv. Ato shkojnë në hapë-
sirë. Dhe fakti që janë prezent në mendimet e mia vazhdimisht mendoj, që dikush dikur…do ti ketë në duar....
Jeni e lidhur me vendlindjen?
E lidhur shpirtërisht jam me vendlindjen dhe tokën e të parëve të mi. Me dasmat, mortet, baltat dhe pluhurin, me lartësinë dhe afërsinë,me plantacionet me qershi, mollë e kumbulla, me lulet e egra të maleve,me aromën e lështrejdhave. Me atë pjesë që quhet mungesë, dhimbje dhe lot. Jam e jotja toka ime, dhe kam gjithherë në kokë atë kurorën që ti m’a dhurove me bujari Dibrane! Madje 24 karatshe…
E njihni guzhinën tradicionale dibrane?
Nuk mendoj se e njoh sa nëna ime.
Çfarë dini të gatuani nga kjo guzhinë?-
Mendoj se gatuaj jufkat, por nuk di t’i holloj ato, sheqerparen, por jo më mirë se mami im, hmmm, jam
defiçitare, duhet të nxë akoma.
Si dibrane që je çfarë mesazhi do tju japësh nëpërmjet gazetës tonë dibranëve kudo që ndodhen?
Të ruajnë traditat, të kultivojnë genet e mira e të mbeten përjetësisht Dibranë! Faleminderit që duke kërkuar gjurmët e traditës ju trokisni ndër brezni për të zbuluar ato dibranë që punojnë në heshtje duke dhënë më të mirën.E lartësoni ato kreshtat e majave tona të larta, më të larta…Të gjitha rrugët më çuan në Rrugën e Arbërit.
https://www.facebook.com/video/video.php?v=1631929591803
Intervistoi: Shaqir Skarra
Solli në FB:Adrian Naço
Agim Gashi- Administrator
- Numri i postimeve : 45955
Age : 70
Location : Kosovë
Registration date : 17/11/2008
Similar topics» Alma Papamihali: Intervistë ekskluzive me këngëtaren Mimoza Nazarko
» Alma Papamihali: Intervistë Ekskluzive me këngëtaren Elsa Hamitaj
» Alma Papamihali: Intervistë me të dashuruarën pas serenatave - këngëtaren Ermira Babaliu
» NJE MREKULLI E ZBULUAR SOT NGA ARDIAN NACO NE NJE SHPELLE NE COROVODE TE SKRAPARIT
» Ardian Naço: Poezi shkruar nga një adoleshente në ditët e fundit të jetës.
» Alma Papamihali: Intervistë Ekskluzive me këngëtaren Elsa Hamitaj
» Alma Papamihali: Intervistë me të dashuruarën pas serenatave - këngëtaren Ermira Babaliu
» NJE MREKULLI E ZBULUAR SOT NGA ARDIAN NACO NE NJE SHPELLE NE COROVODE TE SKRAPARIT
» Ardian Naço: Poezi shkruar nga një adoleshente në ditët e fundit të jetës.
Faqja 1 e 1
Drejtat e ktij Forumit:
Ju nuk mund ti përgjigjeni temave të këtij forumi
» IDRIZ ZEQIRAJ - SHIPTARËT NUK JANË "ME BYTHË NË PRUSH", PËR TË FALUR TOKAT
» Akuzat kundër Shefqet Krasniqit Prokurorisë ia kishte konfirmuar edhe BIK-u (Dokument)
» Aktakuzë kundër imamit Shefqet Krasniqi
» Zbulohen tensionet gjatë dialogut në Bruksel, Nikoliqi Thaçit: Ti je kriminel
» Faruk Tasholli - RJEPENI NANËN
» FAMILJA E HAKI IMERIT: AI U VRA NË KOHËN KUR NË PUSHTET ISHIN HASHIM THAÇI E REXHEP SELIMI
» AGIM GASHI - O NE TREN PËR MITROVICË
» Vëllai i tij u pajtua me Thaçin, por ja si ishte kidnapuar Haki Imeri në Brojë e më pas ishte vrarë
» Fadil Maloku:Aferim, Prokurori e Kosovës!
» Djali i Haki Imerit del kundër axhës: Nuk ia fali Thaçit, nuk dua drejtësi kanunore
» IDRIZ ZEQIRAJ:Copëza biografike dhe kujtime për Ibrahim Rugovën
» Presidenti Thaçi i “lahet me 124 pleq” Imer Imerit se nuk ka gisht në vrasjen e vëllait të tij
» Adem Salihaj akuza të rënda ndaj Hashim Thaçit, ja si po mundohet të shpërlahet nga krimet e shumta që ka bërë
» Ndodh edhe ky skandal: Njeriu që grisi fotografinë e Presidentit Rugova merr certifikatën e veteranit të UÇK-së
» BERAT ARMAGEDONI:Lamtumirë, Joshua i Pejës!
» Biografia e Presidentit Rugova - Biografi e shkurtër
» ILIR MUHARREMI : Treni provokativ, artistët në gjumë
» Përveç ROSU-së, ky është shqiptari që rrezikoi jetën për ta ndalur trenin e Serbisë
» ENVER PETROVCI - IN MEMORIAM SEFEDIN NUREDINIT- SEFA