EULEX-I do t'i zhvillojë hetimet për trafikim organesh

nga **Agim Gashi** Sat Feb 05, 2011 9:44 pm

EULEX-I do t'i zhvillojë hetimet për trafikim organesh

Hans Klasing

EULEX-i do të vazhdojë të kryej hetimet për trafikim organesh, pavarësisht deklaratave të fundit të Dik Martit se hetimet duhet të kryehen nga ekspertë të SHBA-së.

Zyrtarë të EULEX-it thonë se tashmë kanë nisur hetimet preliminare për pretendimet në raportin e Martit dhe se kanë potencial ta përfundojnë këtë proces.
Zyrtarë të EULEX-it nuk kanë lëvizur nga qëndrimi se ata kanë të gjitha mekanizmat për hetimin e akuzave që ka ngritur Dik Marti në raportin për trafikim organesh. Raportuesi i Këshillit të Evropës, Dik Marti ka thënë së fundi se hetimin mbi trafikimin e organeve në Kosovë duhet ta vazhdojnë amerikanët e jo zyrtarë të EULEX-it.
Por, zëdhënësi i këtij misioni, Hans Klasing tha se EULEX-i ka kapacitetet, ekspertizën dhe juridiksionin për të filluar hetimet rreth këtij rasti.
“Ne do të hulumtojmë dhe tani më kemi filluar hulumtimet preliminare. Në momentin që do të marrim evidencën ne do të fillojmë me hulumtimet e mëtejme rreth këtij rasti”, ka thënë Klasing.
Brenda misionit të Bashkimit Evropian për sundim të ligjit në Kosovë, veprojnë edhe gjyqtarë dhe prokurorë amerikanë. A mund të ndajë qëndrimet e gjyqtarëve dhe prokurorëve, deklarata e Dik Martit? Zëdhënësi Klasing thotë se EULEX- i është mision i BE-së dhe si i tillë do të veprojë, pavarësisht nacionalitetit apo përbërjes së gjyqtarëve dhe prokurore që ka.
“Nuk mund të paragjykojë se cilit nacionalitet do t’i përkas prokurori i cili do të merret me këtë rast. Por, kjo në të vërtet nuk ka rëndësi, sepse ai do të jetë gjyqtarë apo prokurorë i EULEX-it. Ne do të vazhdojmë me hetime pavarësisht nëse do të jetë prokuror amerikan apo dikush tjetër, sepse kjo do të jetë hulumtim i EULEX-it “, shtoi Klasing.
Dik Marti është shprehur skeptik nëse misioni EULEX do të mund të hetojë trafikimin e organeve. Si argument ai ka zgjedhur çështjen e dëshmitarëve, që sipas tij, strukturat ndërkombëtare në Kosovë kanë dështuar në mbrojtjen e tyre.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30