14 deputetë të Vetëvendosjes dhe 4 serbë mund të mbeten pa mandate

nga **Agim Gashi** Mon Feb 07, 2011 9:56 pm

14 deputetë të Vetëvendosjes dhe 4 serbë mund të mbeten pa mandate

Katërmbëdhjetë mandatarët e Lëvizjes Vetëvendosje, si dhe katër nga komuniteti serb, që kanë marrë mbështetjen e popullit për t'i përfaqësuar në Legjislativ, mund të përjashtohen që në start nga Kuvendi i Kosovës, nëse refuzojnë të japin betimin e përcaktuar me Kushtetutën e vendit.
Të etiketuar si "rebelët e Kuvendit", Lëvizja Vetëvendosje ka paralajmëruar një befasi për seancën parë konstituive të Kuvendit të Kosovës. Duke e lënë përfundimisht si surprizë, ata kanë lënë të kuptohet se nuk do të betohen para Kushtetutës dhe flamurit të Kosovës, por do të bëjnë një betim tjetër, që përkon me idenë dhe platformën e tyre për bashkim kombëtar, shkruajnë mediet.
Anëtarët e Grupit Parlamentar të Vetëvendosjes besojnë se duke kundërshtuar betimin me Kushtetutën e vendit ata manifestojnë "protestën" ndaj aktit më të lartë juridik, i cili nuk i plotëson nevojat e qytetarëve të Kosovës.
"Jo me kushtetutë! Do ta bëjmë me një mënyrë tjetër, sikurse që i kemi pasur të veçanta edhe idetë edhe veprimet, edhe atë ditë do të jetë diçka e veçantë", citohet të ketë thënë Glauk Konjufca, sipas të cilit, për formën e veprimit nuk është diskutuar ende.
Konjufca, i cili tashmë ka garantuar një vend në Kuvend, thekson se njëri nga qëllimet e Vetëvendosjes është ndryshimi i Kushtetutës, sepse kjo e fundit, sipas tij, është e bazuar në Pakon e Ahtisaarit. Mirëpo, Kushtetuta e Republikës së Kosovës e precizon shumë qartë se sa është i rëndësishëm betimi i deputetit. Sipas aktit më të lartë juridik në vend, deputeti mund të mbetet "pa punë" nëse nuk betohet.
"Mandati i deputetit mbaron ose bëhet i pavlefshëm, nëse (deputeti) nuk e bën betimin", thuhet në nenin 70, pika 3, e Kushtetutës së Republikës së Kosovës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30