Jorgo S. Telo:ME 14 PETALET E TRËNDAFILIT TË NDEZUR (Cikel lirikash) paraqitur ne konkursin te Klubi "BOTA E RE'

nga **Agim Gashi** Wed Feb 09, 2011 5:37 pm

ME 14 PETALET E TRËNDAFILIT TË NDEZUR
(Tercina për ndjenjën bukuroshe,
pa përcaktim vendlindje dhe moshe )

Nga Jorgo S. TELO

1. NË DRITARET E SYVE

Vështroheshim kundruall njëri – tjetrit,
Habiturisht ngriheshin shifrat e termometrit.
E çmonim etshëm jetën, ndjeshëm…si dhe etërit…

Në kësi ngjizjesh as që mund të bëhet fjalë
për përtesën shpërfillëse: “le të dalë, ku të dalë!”
Përndryshe lulëzimi njerëzor do të ishte ndalë…

Fillimisht në dritaret e syve e në qiellorët sy
U përcoll kjo ndjenjë bukuroshe tek ne të dy.
Mjerisht, së toku me fikjen, do shuhet po aty…

2. SEMAFOR

Teksa tenton ta hedhësh ose jo hapin e parë
vetvetishëm çurkojnë vështrimet si dy sylynjarë
Ndihen të ndërvarur prej sinjalit që kanë marrë…

Kryqëzim sinjalesh krisnin nëpër odat e zemrës
Shpërthim hyrje-daljesh nën petkun e këngës
Dëshmitare e vetme – nje fashë drite prej hënës.

Ajo fashë hëne kishte hyrë me porosi hyjnish
Depërtuar përmes perdesh të holla qetas – tinëzisht;
Me flamur dritëzimesh përshfaqur ëmbëlisht.

3. STACIONIMI I PËRNDEZJES

Pikënisjen e brishta puthje - mund ta ketë në faqe
Zbret në gushë e ndalon ngulmuese disa çaste
Stacionon nëpër buzë, ku drithërimat përshfaqen.

A mund të punojnë frenat përmidis buzësh ovale?
Vrulltohen sakaq e sakën se do të ndalen…!
Apo s’ngjasojnë ato si prej të trëndafilit petale!

4. NË ZBRITJE TË DËSHIRUAR

Buzët përcjellin e rrezatojnë të prushtat energji
Ushqim prej “trefazorit” të strukur në gji…
Ndjenj’ e bukur ne zbritje shfaq padurimësi...

Dhe rreket puthja të zbrezë nëpër kate
Lëshohet teposhtë mbi dy kodrat butake.
E zemra përbrenda shpërndan veç përflakje…

5. BULËZA VESE

Në kaplim të ndërsjelltë shfaqet gjurmëlnia e parë
dy buzë të puthura freskët “fletë-lejën” kanë marrë
Sajojnë “ylberin” ekstazor- epshor si në një ujvarë.

E ky pyesin rioshët në orët mbrëmësore e mëngjese
Teksa fshijnë te njëri –tjetri të njelmëtat bulëza djerse.
Zilepsen trëndafilët petalebutë, mbuluar bula vese.

6. NDJENJA BUKUROSHE

Mbi një tis flu përlindet ndjenja e bukur Kryezot!
E ëmbla bukuroshe e tillë përlindet jet’ e mot..
Me puthjen – çelës pushton kështjellën me të fortë.

Hyn ajo në dyert e qenies sonë qoshe më qoshe…
Hyn tejet e ekzaltuar, veç asesi nuk hyn boshe
Të tillë e mëton gjithkush kryendjenjën bukuroshe.

Ajo ndez “eshkën” me strralln e pjekur të epshit
E pajisur me verbëri, nuk mbahet dot së fshehti
Sa në “finish” s’dinë ç’bëjnë: kur qajnë e kur qeshin…

7. RROKUR AROMASH

Rioshët i deh çdo fjalë, dehen prej aromash.
Vrundullojnë epshet, kur zbresin prej “buronjash”
Një refren i pëlqyer, i ardhur bash prej kohrash.

Mandej zbret ndjenja drejt “misterit” tatëpjetë;
E dehur me kuqelim faqesh, pa e ditur as vetë.
E thonë pastaj se nuk paska kuptim kjo jetë…!

8. ZHYTJE NË HARRIM

Kredhur n’aventurë, nëpër verbërim
Etja s’shuhet kurrë me një zhytje në harrim…
Stepur prej bukurie… hajde ç’turbullim!

9. STEPUR BUKURIE

E përqendruar te sytë ka peshë bukuria.
Të sajdis ajo, të zhvesh dhe nga krenaria
Të step e prej saj merr krahë fantazia…

Shpërfillet stepja dhe bie më pas pre,
i lëshohesh në prehër dhe harron se ç’je…!
Të tillë e dërguan Zotat mbi këtë dhe…

10. ANASHKALIM

Rrokur ndjenjash rioshët shfaqen të moskuptimtë
Pas një limonshtrydhjeje … u bie një hije e dyshimtë.
S’e anashkalojnë mosbesimin e divorcohen përditë…

11. S’E PRANON MASKËN

Bukroshja ndjenjë nuk e duroka dot maskën.
Siç është përshfaqet qoftë ditën apo natën.
E ka zët hipikrizinë, lë shteg për zemëratën.

12. VLAGU I KRYENDJENJËS

Përmes Kryendjenjes diçka të shtohet në prag.
Atë që e doje, nuk do ta kundrosh më nga larg.
Matës cilësie…Te cila zemër do të mbajë vlag.

13. SHMANGIE

E bukura ndjenjë nuk pranon pa shkak lëndime
Ushqehet me mirënjohje, puthje dhe ledhatime.
Të lumtura ato zemra që shmangin hakërrimet…

14.RESPEKT PËR SAKRIFICËN

O ju që sakrifikoni n’emër te Kryendjenjës së jetës,
pse e lini më pas veten mes zhgënjimit dhe pendesës?
Aq kollaj qenka të ngjitesh në majë të “Fortesës”?

Në trëndafil u shndërrua atë 14 shkurt gjaku i At Valentinit
Tërr s’ia bëri syri ditën e kobshme t’ekzekutimit.
Besonte në të bukurën ndjenjë, dhuratë ndaj njerëzimit.
Jorgo S. Telo:ME 14 PETALET E TRËNDAFILIT TË NDEZUR (Cikel lirikash) paraqitur ne konkursin te Klubi "BOTA E RE' 180164_1685081300144_1630998071_1519876_7193146_n

Jorgo S. Telo:ME 14 PETALET E TRËNDAFILIT TË NDEZUR (Cikel lirikash) paraqitur ne konkursin te Klubi "BOTA E RE' 180164_1685081300144_1630998071_1519876_7193146_n

GEZUAR, O JU TE DASHURUAR! JU URON XHAXHI POETI.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30