Vetëdorëzohen 6 gardistët, prokuroria: Katër hetohen të lirë

nga **Agim Gashi** Wed Feb 09, 2011 6:56 pm

Vetëdorëzohen 6 gardistët, prokuroria: Katër hetohen të lirë

Prokuroria e Përgjithshme njoftoi se gjashtë zyrtarët e Gardës së Republikës për të cilët u nxor urdhër ndalimi më 22 janar, një ditë pas demonstratës ku gjetën vdekjen katër persona, janë vetëdorëzuar.
“Në datën 08.02.2011, ora 18.00’, në Prokurorinë e Rrethit Gjyqësor Tiranë, u dorëzuan shtetasit Ndrea Prendi, Dashamir Shehi, Alfred Ahmetcenaj, Aleksandër Deda, Fatos Bushati dhe Altin Kollçinaku,
efektivë të Gardës së Republikës”, tha prokuroria.
Sipas saj, menjëherë mbas dorëzimit, policia gjyqësore e D.P.Q.Tiranë, ka zbatuar për të gjashtë personat, urdhërat e prokurorit, të datës 22.01.2011, për ndalimin e tyre, duke i vënë ata në dispozicion të prokurorit.
Prokuroria theksoi se gjashtë të ndaluarit iu nënshtruan marrjes në pyetje nga prokurorë
të Prokurorisë së Rrethit Gjyqësor Tiranë dhe kjo procedurë vazhdoi deri në orët e para të mëngjezit të datës 09.02.2011.
“Në përfundim të kësaj procedure, si dhe në vlerësim të rrethanave të deritanishme të
hetimit, nga ana e prokurorëve u urdhërua lirimi i menjëhershëm për shtetasit Ndrea Prendi, Dashamir Shehi, Aleksandër Deda, Fatos Bushati dhe Altin Kollçinaku”, thekson më tej prokuroria.
sipas saj, për shtetasin Alfred Ahmetcenaj, me detyrë komandant i Njësisë
Speciale të Gardës së Republikës, si dhe shtetasin Agim Llupo (I ndaluar një ditë më parë), me detyrë shef i shtabit të kësaj njësie, do të procedohet me paraqitjen në Gjykatë të kërkesës për vleftësimin
e ndalimit dhe caktimin e masës së sigurimit, si persona të dyshuar për kryerjen në bashkëpunim të veprës penale të parashikuar nga neni 79, gërmat “dh” dhe “ë” të Kodit Penal

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30