Rektori i Universitetit të Prishtinës, akuzat e Reçicës i quan çmenduri

Rektori i Universitetit të Prishtinës, akuzat e Reçicës i quan çmenduri

Dafina Xhemaj
Hasani, i kontaktuar nga “Bota sot” thotë se ajo çka thuhet nga Reçica nuk ka të bëjë “me realitetin” dhe njerëzit kur i humbin argumentet fillojnë të bëhen “reaksional”.





Prishtinë - Ajo që po bën mr. Shemsi Reçica është një çmenduri, thotë rektori i Universitetit të Prishtinës Enver Hasani, duke mohuar kategorikisht akuzat e bëra ndaj tij nga Reçica. Hasani thotë se të gjitha këto akuza janë pjesë e përpjekjeve për ta penguar në zgjedhjet e gjykatësve në Gjykatën Kushtetuese të Kosovës.
Hasani, i kontaktuar nga “Bota sot” thotë se ajo çka thuhet nga Reçica nuk ka të bëjë “me realitetin” dhe njerëzit kur i humbin argumentet fillojnë të bëhen “reaksional”.
Reçica fillimisht e ka akuzuar Hasanin në një shkrim në njërën nga të përditshmet në Kosovë, e cila ka publikuar kinse një shkëmbim mesazhesh telefonike me shkrim, ndërmjet këtyre dyve, të cilat pretendojnë të dëshmojnë një komunikim vulgar ndërmjet tyre, ku rektori mendohet të ketë përfshirë në këtë komunikim edhe dy drejtues të AAK-së. Por, rektori Hasani është kategorik në kundërshtimin e këtyre ‘provave mediale’.
“Kjo absolut nuk ka të bëjë me realitetin dhe lidhet me procesin rreth Gjykatës Kushtetuese. Kjo është kulmi i çmendurisë. Njerëzit kur i humbin argumentet fillojnë të bëhen reaksional, ky është komenti im”, tha rektori Hasani. Sa i përket padisë së ngritur nga Reçica, Hasani tha se kjo nuk prish punë, pasi është çështje e gjykatës të vendosë të drejtën. “Nuk prish punë le ta dërgojë rastin në gjyq, unë do të ballafaqohem me gjykatën, sepse kjo është e pesta padi që ngrihet ndaj meje, prej që jam rektor”, tha Hasani.
Ai tha se nuk ka problem me gjykatën dhe padi mund të bëjnë sa të tillat janë boshe dhe pa vlerë. “Padi private ka të drejtë që çdo kush të bëjë, po të dojë edhe nga dhjetë në ditë”, tha Hasani, i cili që nga e premtja ndodhet në vizitë në Shqipëri dhe pritet të kthehet sot (e mërkurë).
Por, Hasani duke argumentuar se është fjala për një sjellje patologjike thotë se e gjithë ajo që ka bërë Reçica nuk ka të bëjë me kërkimin e një drejtësie, por me promovimin e vetes së tij si profesor. “Motivi kryesorë është që prezantohet si profesorë, por ai nuk është profesor në Universitetin e Prishtinës prej që unë jam rektor. Ai ka dashtë që të doktorojë”, thotë Hasani.
Hasani ka deklaruar se ndaj tij, Reçica ka shterur më parë të gjithë presionet dhe lutjet për t’ia mundësuar doktorimin, kështu që kjo tentativë jo serioze është mjeti i tij i fundit i presionit.
Hasani të hënën është përzgjedhur si kandidati më serioz në mesin e 21 të përzgjedhurve nga një komision i Kuvendit të Kosovës, për anëtar të Gjykatës Kushtetuese. Hasani ka marrë numrin më të madh të votave dhe nga një pjesë e konsiderueshme e opinionbërësve është konsideruar pretendenti i vetëm dhe më serioz për të drejtuar Gjykatën Kushtetuese të Kosovës.

Hasani tentoi ta ndalë botimin e shkrimit


Nga më 18.03.2009 në ora 10:04

Gazeta “Epoka e Re” vazhdon sot shkrimin në lidhje me Rektorin e UP-së, Enver Hasanin. Sipas kësaj të përditshmeje, kur profesori, Shemsi Reçica, kishte bërë padinë private penale ndaj rektorit Enver Hasani, më 5 mars 2009, gazeta është munduar të marrë edhe prononcimin e rektorit Hasani.

Për këtë arsye rektori ka kërkuar kopje të padisë të cilën gazeta ia ka dërguar atij, me mendimin Enver Hasani do të japë sqarimet e tij në lidhje me këtë çështje.

“Pas leximit rektori do t’ju kontaktojë”, citon gazeta të ketë thënë nëpunësja e Rektorit Hasani.

Megjithëkëtë, gazeta shkruan se Rektori i ka bishtnuar prononcimit dhe në vend të kësaj ka provuar që ta ndalojë artikullin në gazetë.

“Paditësin Shemsi Reçica, ‘Baba’ e ka vënë nën gjuajtje me dy mesazhe të tjera, jo rafal, por tek-tek. Dhe, këtu fillon vepra e re penale: kërcënim i të paditurit ndaj palës tjetër, paditësit”, shkruan ndër të tjera “Epoka e Re”.

Gazeta sqaron se mesazhet kërcënuese janë shkruar disa minuta pasi Rektori Hasani ishte intervistuar në Kuvend për gjyqtar të Gjykatës Kushtetuese. Pasi ka lexuar kopjen e padisë të ngritur nga profesori Shemsi Reçica, gazeta sqaron se në orën 12 e 34 minuta, Rektori Hasani i ka dërguar një sms atij.

“Lope, a paske ba padia a? Qyqan i m... je. I tille kije me qene tan jeten. Ama kije me hup gjyqin e masandej kije me vazhdue me pushit k... tem, te Ramushit dhe te Blerim Shales. Kije me marr vesh sa i fort asht Baba ne kete shoqni. Kam me ti pi dhambet. Ti nuk ke pas kundershtar ma te fort. Je mesue me pishpirika more m...”, citon gazeta “të plotë” mesazhin telefonik të rektorit Hasani.

Duke menduar se e ka bllokuar edhe publikimin e tekstit në Epokën e Re”, kjo gazetë shkruan se në orën 14:35, të së hënës, Rektori Enver Hasani i drejton edhe një sms profesor Reçicës.

“Lope, a nuk po ta boton EPOKA E RE? Kjo tregon qe ti jetikisht e ke me dal ne media me mue ne duel. Nuk kam me ta dhane kete knaqesi more m... i vogel je ti per Baben. Kam me ta q... nanen. Ne anderr ke me me pa po ta jap besen more injorant m...”, përfundon mesazhi i dytë i rektorit të Universitetit të Prishtinës.

Skandali tjetër i Enver Hasanit








Nga Express më 17.03.2009 në ora 9:01

Epoka e Re në numrin e sotëm ka botuar skandalin e radhës nga rektori i Universitetit të Prishtinës. Padia e radhës e pret në Gjykatën komunale.

“ Baba” rektor i shkruan një profesori për seks oral rasti shkon në Gjykatë” është titulli që kjo gazetë ka vendosur në ballinën e saj. Një padi tjetër penale është ngritur kundër rektorit Enver Hasani. Edhe kjo bëhet nga një profesor universitar kësaj radhe nga Mr. Shemsi Reçica mësimdhënës në Departamentin e Filozofisë të Fakultetit Filozofik në UP, i cili më 6 mars 2009 në Gjykatën Komunale ka ushtruar padi penale private për fyerje dhe kërcënim nëpër mjet mesazheve telefonike të cilat i ka dërguar në celularin e tij rektori Hasani.

Në këtë sms të cilën kjo gazete e ka botuar fjalë për fjalë shihet një fjalor banalë i rektorit të Universitetit të Prishtinës dhe fyerjet që bënë ai në adresë të Mr. Shemsi Reçica i cili kishte dërguar në vitin 2002 kërkesën për doktoraturë. Në këtë sms rektori Hasani ka përmendur edhe emra të tjerë të politikanëve, sipas të cilët ata duhet që të intervenojnë në rast se Mr. Shemsi Reçica dëshiron të doktorojë. Për “Babën” rektor profesor Reçica është një “Lopë”, ndërkaq ky nivel i “Lopës” është kandidat për ta mbrojtur doktoraturën. Në sms'në e rektorit Hasani dërguar Shemsi Reçicës janë përdorur fjalë banale, të cilat Epoka e Re i ka botuar në ballinën e saj.