Krijimi i koalicionit, inkuadrohet Dell

nga **Agim Gashi** Thu Feb 10, 2011 6:54 pm

Krijimi i koalicionit, inkuadrohet Dell

Ambasadori amerikan Christopher Dell është kthyer nga SHBA-të dhe menjëherë do të përfshihet në bisedimet për formimin e qeverisë së re.
Burime të gazetës Express thonë se diplomati amerikan pritet që të enjten të takohet larg medieve me kryetarin e PDK-së, Hashim Thaçin, atë të AKR-së, Behgjet Pacolli si dhe me përfaqësues të partive tjera.
Gjithashtu Dell pritet që të bëjë përpjekjet e fundit që të ndryshojë qëndrimin e AAK-së, e cila me vendimin e fundit, pothuajse është përcaktuar plotësisht për të mbetur në opozitë. Në këto takime sipas këtij burimi, pritet të flitet edhe për postin e presidentit të ri.
PDK dhe AKR pajtohen parimisht që të lidhin koalicionin, mirëpo problem mbetet emri i presidentit. Në Prishtinë flitet se emri i Behgjet Pacollit nuk është i preferuar për këtë post, por për këtë çështje ende nuk kanë folur ambasadorët e fuqishëm.
“Në një variant të tillë, kur emri i kryetarit të AKR-së nuk është i preferuar i bashkësisë ndërkombëtare, atëherë Behgjet Pacollit do t’i ofrohet mundësia që t’i jap tre emra të kandidatëve për president”, ka thënë diplomati perëndimor në kushte anonimiteti.
Sipas tij, opsion mbetet edhe që posti i presidentit t’i takojë Listës “Ibrahim Rugova”. “Bujar Bukoshi mund të jetë opsioni i mundshëm”, ka thënë burimi i gazetës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30