Fadil Curri:SOT NË KALANË E SHKUPIT.

nga **Agim Gashi** Sun Feb 13, 2011 11:38 pm

Fadil Curri:SOT NË KALANË E SHKUPIT.

Sot në Kalanë e Shkupit
poltika e humbi emrin krejt
Kur vegjëlia zgjimthi doli
ta mbrojë historinë e vet.

E vërteta e maskuar nga mburoja
e soldateskës barbare
U çjerr si e kërkoi vet nga britmat
e pinjollëve iliroshqiptare.

Sot në Kalanë e Shkupit kopshtet e lulet
u bënë shkretëtirë me gjemba
Epokave e figurave të historisë
deshën t’ ua ndërrojnë data, vepra e emra.

Dashurive të vërteta idilike u thonin
se quhen urrejtje të rreme mitike
Hitin e nipit plagjiator në festival
e lenin pas baladës me vlera jetike.

Sot në Kalanë e Shkupit Justinianin
deshën ta bëjnë më të ri se Karposhi
Pjetër Bogdanin nxënës përsëritës
në shkollën pa licencë nga Kolishevski.

Siparit kuvendor Emin Bej Kumbara
i lanë vend pas balloxhakut Koce,
E kryepolices Jankullovska i dhanë
shpërblimin e nobelistes Nënë Tereze.

Sot në Kalanë e Shkupit në mesditë purgatore
u ndeshën gënjeshtra dhe historia
Justiniani, Bogdani, Prishtina, Kumbara, Bageri,
Curri, Gonxhja u zgjuan nga përjetësia.

Të mbrohet Iliria, Dardania, Vilajeti i Kosovës,
Skupi, kalaja dhe e vërteta
Të shpëtohet identiteti, qëndresa, shenjtëria,
gjaku, arti, ardhmëria dhe jeta.

Sot në Kalanë e Shkupit poezia e dashurisë
u shndërrua në festival pendraku
Vardarit të epokave nga gjuha e rreme
iu ndal fryma, iu step gjuha, iu mpi gjaku.

Ndergejgjja shqiptare e fjetur në kolltuqe letargjie
u përmend nga zëri i vegjëlisë
“Shpëtonie Kalanë, se e shpëtoni veten,
tri kohët shqipe te emrit e historisë.

Nëse dorëzohet (pu)shteti aktual e historik,
nëse dorëzohet pavdekësia, kalaja,
gjuha, gjaku, historia, koka e toka behen mitikë
identitetin tonë do ta përfshijë hataja”.

Shkup, 13 shkurt 2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30